Haki

Haki of Hake was in die Noorse mitologie 'n beroemde seekoning van Skandinawië. Hy word genoem in die 12de-eeuse Gesta Danorum en in 13de-eeuse bronne soos die Ynglinga saga, Nafnaþulur en Völsunga saga.

Ynglinga saga[wysig | wysig bron]

Volgens Snorri Sturluson in die Ynglinga saga het Haki soms 'n groot leër bymekaargemaak en saam met sy broer Hagbard (self 'n held van een van die gewildste legende) geplunder. Haki het eendag by Uppsala teen Swede opgeruk. Hy was 'n gewelddadige vegter en het koning Hugleik en sy twee seuns vermoor.^[1]

Haki het die Sweedse provinsies oorgeneem en homself koning van Swede gemaak. Hy het drie jaar lank in vrede deurgebring terwyl sy vegters ver gereis en 'n groot rykdom versamel het.

Hugleik het twee neefs, Erik en Jorund, gehad wat beroemd geword het deur die koning van Hålogaland te vermoor. Toe hulle van Haki hoor, het hulle 'n groot leër bymekaargemaak en na Swede gevaaar. Die twee broers het na Uppsala gegaan, waar hulle koning Haki met 'n baie kleiner leër ontmoet het. Haiki het baie mans, onder andere Erik, doodgemaak. Jorund en sy manne het na hulle skepe gevlug, maar Haki is self dodelik gewond.

Haki het vir 'n boot gevra en sy gesneuwelde soldate en hulle wapens daarop laat laai. Hy het gevra dat 'n stapel hout bo-op gelaai word en dit aan die brand gesteek word. Hy is self onder 'n stapel hout neergelê. Die brandende skip het tussen die klein eilande na die see gevaar.

Hy is as Sweedse koning opgevolg deur Jorund.