Hamidiese slagting

in Wikipedia, die vrye ensiklopedie
Jump to navigation Jump to search
’n Foto wat in November 1895 deur William Sachtleben geneem is van Armeniërs wat in Erzerum vermoor is.[1]

Die Hamidiese slagting (Armeens: Համիդյան ջարդեր, Turks: Hamidiye Katliamı), ook genoem die Armeense slagting van 1894-1896,[2] was moorde op Armeniërs in die Ottomaanse Ryk wat in die middel 1890's plaasgevind het. Na raming het tussen 80 000 en 300 000 mense gesterf[3] en 50 000 kinders wees gelaat.[4]

Die slagting is genoem na sultan Abdülhamid II wat, in ’n poging om die domein van sy ondergaande ryk te probeer beskerm, Pan-Islamisme as ’n staatsideologie herstel het.[5] Hoewel die veldtog hoofsaaklik teen die Armeniërs gerig was, het dit in sommige gevalle gelei tot blindelingse diskriminasie teen Christene, soos met die slagting van Diyarbakır in 1895 waar, volgens minstens een bron uit dié tyd, tot 25 000 Assiriërs ook vermoor is.[6]

Die slagting het in 1894 in die binneland van die Ottomaanse Ryk begin voordat dit in die jare daarna uitgekring het. Die meeste moorde het tussen 1894 en 1896 plaasgevind. Dit het in 1897 begin afneem nadat Abdülhamid internasionaal veroordeel is. Die strengste optrede was teen die lank vervolgde Armeniërs, terwyl oproepe vir burgerlike hervorming en beter behandeling deur die regering geïgnoreer is. Die Ottomane het geen onderskeid gemaak wat geslag en ouderdom betref nie, en die mense is met brute krag vermoor.[7]

Die slagting het plaasgevind in ’n tyd dat die telegraaf nuus oor die wêreld heen kon versprei en die moorde is wyd gedek in die Wes-Europese en Noord-Amerikaanse media.

Verwysings[wysig | wysig bron]

  1. "The Graphic" (in Engels). 7 Desember 1895. p. 35. Besoek op 2018-02-05 – via The British Newspaper Archive.
  2. Adalian, Rouben Paul (2010), Historical Dictionary of Armenia (2nd ed.), Lanham, MD: Scarecrow, p. 154 .
  3. Akçam, Taner (2006) A Shameful Act: The Armenian Genocide and the Question of Turkish Responsibility p. 42, Metropolitan Books, New York ISBN 978-0-8050-7932-6
  4. "Fifty Thousand Orphans made So by the Turkish Massacres of Armenians", The New York Times, 18 Desember 1896, https://query.nytimes.com/gst/abstract.html?res=F30A1FF63B5F1B738DDDA10994DA415B8685F0D3, "The number of Armenian children under twelve years of age made orphans by the massacres of 1895 is estimated by the missionaries at 50.000" .
  5. Akçam 2006, p. 44.
  6. Angold, Michael (2006), O'Mahony, Anthony, ed., Cambridge History of Christianity, 5. Eastern Christianity, Cambridge University Press, p. 512, ISBN 978-0-521-81113-2, https://books.google.com/books?id=vBy7CTYVBeMC .
  7. Cleveland, William L. (2000). A History of the Modern Middle East (2nd uitg.). Boulder, CO: Westview. p. 119. ISBN 0-8133-3489-6.

Eksterne skakels[wysig | wysig bron]