Hannes van Wyk

in Wikipedia, die vrye ensiklopedie
Jump to navigation Jump to search
Hannes van Wyk
Geboorte 30 Julie ~1971
Aliwal-Noord
Nasionaliteit Suid-Afrika
Beroep(e) Akteur, aanbieder, vervaardiger, onderwyser
Rolprente Susanna van Biljon
Internet-rolprentdatabasis-profiel

Hannes van Wyk is 'n Suid-Afrikaanse akteur, aanbieder en vervaardiger. Hy is veral bekend vir sy rol as Krynauw in Egoli: Plek van Goud (1991), asook sy rol in Susanna van Biljon (2010). Hy is ook 'n aanbieder van formaat en het al onderhoude met bekendes soos pres. Bill Clinton, pres. Nelson Mandela en Arnold Schwarzenegger gevoer.[1]

Van Wyk het van 'n skool op sy geboortedorp in Aliwal-Noord gematrikuleer waar hy die hoofseun was. Daarna het hy B.A. (drama) aan die Universiteit van die Vrystaat studeer. Hy het vir die universiteit se eerste span tennis gespeel en was ook die eerste dramastudent wat tot die studenteraad verkies is. Ná sy dramastudie het hy by die destydse streekskunsterade Sukovs en Truk gewerk. Hy het ook 'n B.A.Ed. deeltyds voltooi.

Hy spits hom aanvanklik op teaterwerk toe. Sy eerste TV-rol was in Manakwalanders en daarna in Torings, met nog vele ander wat gevolg het. Hy is veral bekend vir die rol van Krynauw du Boisson in Egoli: Plek van Goud. In 2010 maak hy sy rolprentdebuut as Johan de Villiers in Susanna van Biljon. Sedert 2015 is hy aanbieder van die kykNET-joernaalprogram Kwêla.

Filmografie[wysig | wysig bron]

As akteur:

  • Verskietende Ster, 2016 as Max du Toit
  • Die Bach-motief, 2013 as dr. Beukes (kortfilm)
  • Nantes, 2012 as Leroux (kortfilm)
  • Susanna van Biljon, 2010 as Johan de Villiers
  • Vallei van die sluiers, 2010 (TV-reeks) as die Harm,'n modeagent
  • 7de Laan, 2011, gaskunstenaar.
  • Egoli: Plek van Goud, 1991–2001 as Krynauw du Boisson (TV-reeks)
  • Torings (TV-reeks)
  • Manakwalanders (TV-reeks)

As vervaardiger:

  • Die Bach-motief, 2013 (kortfilm)

Verwysings[wysig | wysig bron]

Eksterne skakels[wysig | wysig bron]