Henrik Ibsen

in Wikipedia, die vrye ensiklopedie
Spring na: navigasie, soek
Henrik Ibsen

Henrik Johan Ibsen (* 20 Maart 1828 in Skien; † 23 Mei 1906 in Kristiania, tans Oslo) was 'n Noorse skrywer en dramatikus van internasionale statuur. Naas Knut Hamsun word hy as die beduidendste Noorse skrywer beskou en in sy tuisland as 'n nasionale simbool vereer.

Hy word as die skepper van die moderne drama en die "vader van realisme" in die moderne toneelkuns beskou en het 'n beduidende invloed op ander skrywers van wêreldfaam soos George Bernard Shaw, Oscar Wilde en James Joyce uitgeoefen.

Ibsen se beduidendste werke sluit Peer Gynt, Kejser og Galilæer en Gengangere in. Sy toneelstukke is die mees opgevoerdes ter wêreld ná dié van William Shakespeare. Ibsen was daarnaas tussen 1851 en 1857 as scèneregisseur by Det norske Theater in Bergen en - tot en met dié instelling se bankrotskap in 1862 - as kunsdirekteur by die Kristiania norske Theater in die Noorse hoofstad werksaam. Vanaf 1863 tot by sy reis na die buiteland in 1864 was hy adviseur by die Christiania Theater in Oslo.