Hertog van Sussex

in Wikipedia, die vrye ensiklopedie
Jump to navigation Jump to search
Hertog van Sussex
Die wapen van prins Harry, Hertog van Sussex
Die wapen van prins Harry, Hertog van Sussex
Geskep 19 Mei 2018 (tweede keer)
Monarg Elizabeth II
Eerste houer Prins Augustus Frederick
Huidige houer Prins Harry
Ander titels Graaf van Dumbarton
baron Kilkeel
Status In gebruik

Die Hertog van Sussex is ’n Britse adellike titel. Dit kry sy naam van die graafskap Sussex in Engeland.

Die titel is op 24 November 1801 die eerste keer toegeken, aan prins Augustus Frederick,[1] die sesde oudste seun van koning George III. Hy het terselfdertyd die titels baron Arklow en die Graaf van Inverness gekry. Die titel was ongebruik sedert die dood van prins Augustus Frederick in 1843. Hy het wel seuns gehad, maar sy huwelik met hul ma, lady Augusta Murray, is nietig verklaar omdat dit nie aan die Royal Marriages Act van 1772 voldoen het nie. Die seuns was dus buite-egtelik en het nie ’n aanspraak op die titel gehad nie.

Die volgende persoon aan wie die titel toegeken is, is prins Harry, op die oggend van sy troue met Meghan Markle op 19 Mei 2018. Prins Harry het terselfdertyd die titels Graaf van Dumbarton en baron Kilkeel gekry.

Geskiedenis[wysig | wysig bron]

’n Titel wat met Sussex verbind word, het die eerste keer ontstaan met die Koninkryk Sussex, ’n Angel-Saksiese koninkryk wat omstreeks 827 deur die Koninkryk Wessex geannekseer is.[2] Dit het later deel van die Koninkryk Engeland geword.

Die titel Hertog van Sussex is op 24 November 1801 die eerste toegeken, aan prins Augustus Frederick, die sesde ouste seun van koning George III. Hy het in 1793 getrou met lady Augusta Murray en op 2 Mei 1831 met lady Cecilia Gore. Albei huwelike was ’n oortreding van die Royal Marriages Act van 1772 en sy kinders is dus as buite-egtelik beskou. Lady Cecilia kon nie in die hof onthaal word nie omdat sy nie die prins se wettige vrou was nie. Sy het later die titel Hertogin van Inverness uit eie reg by koningin Victoria gekry.[3] Omdat prins Augustus Frederick nie wettige seuns gehad het nie, het die titel ná sy dood in onbruik geraak.

In 1999, net voor die troue van prins Edward, die jongste seun van Elizabeth II, is vermoed hy sou die titel kry. Hy het egter die Graaf van Wessex geword. Hy sal ná sy pa, prins Philip, se dood die titel Hertog van Edinburg kry.[4] Daar was weer ’n vermoede dat prins William die titel sou kry toe hy in April 2011 met Kate Middleton trou,[5] maar hy het die Hertog van Cambridge geword.

Prins Harry het eindelik die titel gekry toe hy op 19 Mei 2018 met Meghan Markle trou. Hy het terselfdertyd die titels Graaf van Dumbarton en baron Kilkeel gekry.

Hertoë van Sussex[wysig | wysig bron]

Eerste skepping, 1801[wysig | wysig bron]

Naam Foto Gebore Huwelik Dood
Prins Augustus Frederick
Huis van Hannover
1801-1843
ook: Graaf van Inverness en baron Arklow (1801)
Prins Augustus Frederick 27 Januarie 1773
Buckingham House, Londen
seun van koning George III en koningin Charlotte
4 April 1793
Lady Augusta Murray
2 kinders

2 Mei 1831
Lady Cecilia Underwood
Geen kinders
21 April 1843
Kensington-paleis, Londen
Prins Augustus se huwelik met lady Augusta Murray, by wie hy twee seuns gehad het, is nietig verklaar ingevolge die Royal Marriages Act van 1772 en die titel was dus ongebruik ná sy dood.

Tweede skepping, 2018[wysig | wysig bron]

Naam Foto Gebore Huwelik Dood
Prins Harry
Huis van Windsor
2018-tans
ook: Graaf van Dumbarton en baron Kilkeel (2018)[6]
Prins Henry 15 September 1984
Londen
seun van Charles, Prins van Wallis en Diana, Prinses van Wallis
19 Mei 2018
Meghan Markle

Verwysings[wysig | wysig bron]

  1. London Gazette, 24 November 1801, uitg. 15429, p. 1403
  2. Edwards, Heather (2004). "Ecgberht [Egbert] (d. 839), king of the West Saxons in the Oxford Dictionary of National Biography". Oxford University Press. Besoek op 22 Junie 2014. 
  3. London Gazette, uitg. 19842, p. 31 Maart 1840
  4. "His Royal Highness was born with the title Prince Edward, as he is a son of The Sovereign. He was created The Earl of Wessex and Viscount Severn on his marriage in 1999.". Royal.gov.uk. Geargiveer vanaf die oorspronklike op 3 Maart 2016. Besoek op 2016-01-09. 
  5. "Kate Middleton will inherit a host of titles". Cambridge News. 16 November 2010. Geargiveer vanaf die oorspronklike op 27 Julie 2014. Besoek op 22 April 2014. 
  6. Royal.UK — Prince Harry and Meghan Markle: Announcement of Titles (Besoek op 19 Mei 2018)