Prins Harry, Hertog van Sussex

in Wikipedia, die vrye ensiklopedie
Jump to navigation Jump to search
Prins Harry
Prins Henry van Wallis
Prins Harry op 9 Mei 2013 in Amerika.
Prins Harry op 9 Mei 2013 in Amerika.
Volle naam Henry Charles Albert David
Huis Huis van Windsor
Vader Charles, Prins van Wallis
Moeder Diana, Prinses van Wallis
Gebore 15 September 1984; Londen, Engeland
Eggenote Meghan Markle
Amptelike webtuiste Prins Henry van Wallis

Prins Henry, Hertog van Sussex KCVO (Henry Charles Albert David, geb. 15 September 1984), algemeen bekend as prins Harry,[1] is die jongste seun van Charles, Prins van Wallis, en sy eerste vrou, Diana, Prinses van Wallis. Sy grootouers aan vaderskant is koningin Elizabeth II van die Verenigde Koninkryk en prins Philip, Hertog van Edinburg. Hy is die sesde aanspraakmaker op die Britse troon ná sy pa, sy broer, prins William, Hertog van Cambridge, en sy broerskinders, prins George, prinses Charlotte en prins Louis.

Ná sy skoolopleiding aan verskeie skole in Brittanje en ’n brugjaar in onder meer Australië en Lesotho, het Harry besluit op ’n militêre loopbaan. Hy het offisiersopleiding ontvang aan die Militêre Akademie Sandhurst en ’n tweede luitenant geword in die Household Cavalry-regiment. Hy het hier sy opleiding as tenkbevelvoerder voltooi. In 2007–2008 het hy in die Afgaanse Oorlog 77 dae lank diens gedoen aan die front,[2] maar is onttrek ná ’n artikel in ’n Australiese tydskrif.[3] Hy het in 2012–2013 vir 20 weke na Afganistan teruggekeer.[4]

Op 27 November 2017 is aangekondig dat prins Harry verloof geraak het aan die voormalige Amerikaanse aktrise Meghan Markle en op 19 Mei 2018 is hulle in Windsor, Engeland, getroud. ’n Paar uur voor die troue het hy die titels Hertog van Sussex, Graaf van Dumbarton en baron Kilkeel gekry.[5]

Vroeë lewe[wysig | wysig bron]

Harry is op 15 September 1984 in die St. Mary-hospitaal in Londen, Engeland, gebore.[6] Sy ma, Diana, wou hê hy en sy broer moes ’n groter ondervindingsraamwerk hê as vorige koninklike kinders en het hulle saamgeneem na plekke wat gewissel het van Disney World en McDonald's tot vigsklinieke en oornaggeriewe vir haweloses.[7] Hy het ook op ’n jong ouderdom sy ouers op amptelike besoeke begin vergesel; sy eerste oorsese koninklike toer was na Italië in 1985.[8]

Harry se ouers is in 1996 geskei en sy ma is die volgende jaar in ’n motorongeluk in Parys oorlede.[9] Nes sy pa en broer het hy sy skoolopleiding aan privaatskole ondergaan, onder meer Eton-kollege. Hy het sy studies in 2003 aan laasgenoemde skool voltooi.[10]

Hy het daarna ’n brugjaar geneem, waartydens hy in Australië gewerk het.[11] Hy het ook Lesotho besoek, waar hy met weeskinders gewerk het en die dokumentêre rolprent The Forgotten Kingdom gemaak het.[7]

Militêre loopbaan[wysig | wysig bron]

Kadetoffisier Wales (op aandag langs die perd) op parade by Sandhurst, 21 Junie 2005.

Prins Harry het op 8 Mei 2005 sy opleiding begin aan die Militêre Akademie Sandhurst, waar hy as kadetoffisier Wales bekend was.[12] In April 2006 het hy sy offisiersopleiding voltooi en het hy ’n tweede luitenant geword in die Blues and Royals, ’n regiment van die Household Cavalry in die Britse leër. Op 13 April 2008 is hy tot luitenant bevorder.

In ’n verklaring op 22 Februarie 2007 is aangekondig dat prins Harry saam met sy regiment aan die front in Irak sou diens doen.[13] Die destydse hoof van die leër, generaal sir Richard Dannatt, het op 30 April 2007 aangekondig dat hy persoonlik besluit het dat die prins saam met sy eenheid na Irak kon gaan,[14] maar teen 16 Mei het hy bekend gemaak dat Harry nie Irak toe sou gaan nie[15] omdat hy ’n gewilde teiken sou wees (verskeie dreigemente is deur verskeie groepe gemaak wat sy lewe bedreig het) en dat dit sy mede-soldate in gevaar sou stel.[16]

In 2008 het die departement van buitelandse sake gerugte bevestig dat Harry in Afganistan diens doen.[17] Hy was die eerste lid van die Britse koningshuis wat in ’n oorlogsgebied diens gedoen het sedert sy oom, prins Andrew, Hertog van York, helikopters gevlieg het in die Falkland-oorlog van 1982. Hy het vir sy diens die Medalje vir Operasionale Diens in Afganistan in Mei 2008 ontvang van sy tante, prinses Anne.[18]

Prins Harry in sy uniform, 9 Mei 2013

Nadat hy aan die nodige vereistes voldoen het, het Harry opleiding as helikoptervlieënier ondergaan. Hy het sy vlerke op 7 Mei 2010 van sy pa ontvang. Hy het bekend gemaak dat hy as vlieënier van Apache-helikopters opleiding sou ontvang, waarna hy weer sou kwalifiseer om in oorlogsones te veg.[19] Hy het sy Apache-vliegtoets in 2011 geslaag. Op 16 April 2011 is aangekondig dat hy tot die rang van kaptein bevorder is.[20]

In Junie 2011 is aangekondig dat Harry as Apache-helikoptervlieënier weer in Afganistan ontplooi kon word. Die uiteindelike besluit sou egter lê by die weermag se senior bevelvoerders ná samesprekings met prins Harry, prins Charles en die koningin.[21] In Oktober is prins Harry na ’n Amerikaanse militêre basis in Kalifornië oorgeplaas vir ’n deel van sy opleiding. In November 2011 het hy na Engeland teruggekeer om sy opleiding te voltooi.[22]

On 7 September 2012 het kaptein Wales in Afganistan aangekom vir ’n tydperk van vier maande.[23] Op 10 September, dae ná sy aankoms, is aangekondig dat die Taliban gedreig het om hom uit te skakel.[24][25] Op 21 Januarie 2013 is aangekondig dat prins Harry teruggekeer het ná vier maande in Afganistan[4] as medevlieënier van ’n Apache-helikopter.[26]

Op 8 Julie 2013 het die departement van verdediging aangekondig dat Harry as ’n Apache-bevelvoerder gekwalifiseer het.[27]

Persoonlike lewe[wysig | wysig bron]

Harry en Meghan in 2017.

Prins Harry neem graag aan sport deel, onder meer polo, ski en motocross.[11] Hy het in sy jeug die reputasie van ’n rebel gekry[28] nadat hy onder meer dagga gerook, as ’n minderjarige gedrink en buite nagklubs met paparazzi slaags geraak het. Hy het ook ’n kostuumpartytjie bygewoon in ’n Nazi-uniform met ’n swastika-armband.[29] Hy het later in ’n verklaring verskoning gevra.[30]

In Januarie 2009 het die Britse poniekoerant News of the World ’n video bekend gemaak waarin Harry na ’n medesoldaat as "ons klein Paki-vriend" verwys. David Cameron het dis as onaanvaarbaar beskryf[31] en Harry is deur die The Daily Telegraph as ’n rassis bestempel.[31] Clarence House het dadelik ’n verklaring uitgereik waarin Harry verskoning vra en sê hy het niks slegs daarmee bedoel nie.[32]

Terwyl hy in Augustus 2012 met vakansie in Las Vegas was, is ’n nakende Harry en ’n onbekende vrou in ’n hotelkamer afgeneem, volgens berigte ná ’n spel van "ontklee-biljart".[33] Die foto's het op die internet verskyn en verskeie koerante het daaroor berig.[34][35][36]

Harry het ’n ruk lank uitgegaan met Chelsy Davy, die dogter van ’n Suid-Afrikaanse sakeman,[37] maar vroeg in 2009 is berig dat die paartjie uiteen is nadat hulle mekaar vyf jaar geken het.[38]

Hy het op 19 Mei 2018 met die voormalige aktrise Meghan Markle van Amerika getrou.

Titels[wysig | wysig bron]

Prins Harry se monogram.
  • 15 September 1984 – 19 Mei 2018: Sy Koninklike Hoogheid prins Henry van Wallis
  • 19 Mei 2018 – tans: Sy Koninklike Hoogheid die Hertog van Sussex.

Benewens die titel hertog het hy ook op sy troudag die titels Graaf van Dumbarton en baron Kilkeel gekry.[39]

Voor sy troue het Harry vir militêre doeleindes Wales (Wallis) as sy van gebruik en was hy bekend as kaptein Harry Wales.[40]

Op 4 Junie 2015 is hy deur die koningin tot ridder geslaan vir "dienste aan die monarg" en aangestel as ridderkommandeur van die Koninklike Victoriaanse Orde (KCVO).[41]

Verwysings[wysig | wysig bron]

  1. "Prince Harry". Amptelike webtuiste van die Britse monargie. Besoek op 10 Augustus 2009. 
  2. Associated Press (28 Februarie 2008). "Prince Harry on front line in Afghanistan". MSNBC. Besoek op 28 Februarie 2008. 
  3. Audrey, Gillian; Tran, Mark; Walker Peter (28 Februarie 2008). "Harry secretly serving in Afghanistan". The Guardian. London. Besoek op 26 Maart 2010. 
  4. 4,0 4,1 "UK's Prince Harry Returns from Afghanistan". Associated Press. Besoek op 21 Januarie 2013. 
  5. "Meghan Markle and Prince Harry's official royal titles have been announced". 9Honey. 19 Mei 2018. Besoek op 19 Mei 2018. 
  6. "Princess Di gives birth to boy". The Evening News. London. Associated Press. 16 September 1984. Besoek op 31 Mei 2013. 
  7. 7,0 7,1 Prince Harry”. People. Besoek op 15 Oktober 2008.
  8. "The Prince of Wales > At Work > Countries Visited". Clarence House. Besoek op 15 Oktober 2008. 
  9. "Timeline: How Diana Died". Londen: BBC. 30 Augustus 1997. Besoek op 11 April 2008. 
  10. "What is it like at Eton College?". Londen: BBC News. 4 Julie 2005. Besoek op 11 Oktober 2009. 
  11. 11,0 11,1 "The Prince of Wales > Prince Harry > Interests". Clarence House. Geargiveer vanaf die oorspronklike op 16 Junie 2008. Besoek op 15 Oktober 2008. 
  12. "Harry begins Sandhurst training". London: BBC. 8 Mei 2005. Besoek op 16 Oktober 2008. 
  13. Witchell, Nicholas (22 Februarie 2007). "Harry Iraq deployment no surprise". London: BBC. Besoek op 14 Oktober 2008. 
  14. "British army chief: Prince Harry to Iraq". NBC News. Associated Press. 30 April 2007. Besoek op 25 Augustus 2012. 
  15. "Prince Harry will not go to Iraq". CNN. 17 Mei 2007. Besoek op 14 Oktober 2008. 
  16. "The Prince of Wales > News > Prince Harry deployment update". Clarence House. 16 Mei 2007. Besoek op 14 Oktober 2008. 
  17. "Prince Harry on Afghan front line". Londen: BBC. 28 Februarie 2008. Besoek op 14 Oktober 2008. 
  18. Perry, Simon; Tumposky, Ellen (16 Oktober 2008). “Prince Harry Gets Medal as Chelsy Cheers Him On”. People. Besoek op 16 Oktober 2008.
  19. "Prince Harry awarded provisional flying wings by Prince of Wales". The Daily Telegraph. Londen. 7 Mei 2010. Besoek op 7 Mei 2010. 
  20. "Prince Harry promoted to captain in Army". The Daily Telegraph. UK. 17 April 2011. Besoek op 17 April 2011. 
  21. "Prince Harry to return to Afghanistan". The Daily Telegraph. UK. 16 Junie 2011. Besoek op 16 Junie 2011. 
  22. "Prince Harry returns to England after U.S. training". CNN. 29 November 2011. Besoek op 28 Desember 2011. 
  23. "Prince Harry in Afghanistan flying Apache copters". Yahoo News. Besoek op 7 September 2012. 
  24. Hamid Shalizi; Amie Ferris-Rotman (10 September 2012). "Afghan Taliban threaten to kidnap, kill Prince Harry". MSNBC Today. Besoek op 11 September 2012. 
  25. "Taliban Threatens Prince Harry [video]". CNN. 11 September 2012. Besoek op 11 September 2012. 
  26. Dave Willetts; Duncan Larcombe (22 Januarie 2013). "Prince exits front line and admits: Yes, I've killed Taliban". The Sun. Besoek op 25 Januarie 2013. 
  27. "Prince Harry, known in the British Army as Captain Harry Wales, has qualified as an Apache aircraft commander.". British Government. 8 Julie 2013. Besoek op 23 Julie 2013. 
  28. Majendie, Paul (1 Maart 2008). "Prince Harry: Wild child turned war hero". Reuters. Besoek op 16 Oktober 2008. 
  29. "Harry says sorry for Nazi costume". London: BBC News. 13 Januarie 2005. Besoek op 14 Oktober 2008. 
  30. "Harry public apology 'not needed'". Londen: BBC News. 14 Januarie 2005. Besoek op 14 Oktober 2008. 
  31. 31,0 31,1 "Prince Harry's 'Paki' comments 'completely unacceptable', says David Cameron" The Daily Telegraph, 11 Januarie 2009
  32. Byron, Katy (11 Januarie 2009). "Britain's Prince Harry apologizes for offensive language". CNN. Besoek op 11 Januarie 2009. 
  33. "Prince Harry naked photos during Vegas rager". TMZ. 21 Augustus 2012. Besoek op 22 Augustus 2012. 
  34. Payne, Ed (22 Augustus 2012). "Naked photos of Prince Harry surface in Las Vegas". CNN. Besoek op 22 Augustus 2012. 
  35. "Naked Prince Harry photos published online". BBC News. 22 Augustus 2012. Besoek op 22 Augustus 2012. 
  36. "Prince Harry's naked photos shrugged off in the U.K.". National Post. Associated Press. 22 Augustus 2012. Besoek op 22 Augustus 2012. 
  37. Bates, Stephen (15 September 2005). "Harry at 21 on Camilla, the media and Aids children in Africa". The Guardian. Londen. Besoek op 14 Oktober 2008. 
  38. "Prince Harry and girlfriend split". BBC News. 24 Januarie 2009. Besoek op 26 Maart 2010. 
  39. https://www.royal.uk/prince-harry-and-ms-meghan-markle-announcement-titles
  40. Nikkhah, Roya (17 April 2011). "Prince Harry promoted to captain in Army". The Telegraph. Londen. Besoek op 12 Junie 2011. 
  41. "Prince Harry has been made a Knight Commander of the Royal Victorian Order". Besoek op 5 Junie 2015. 

Eksterne skakels[wysig | wysig bron]