Hluhluwe-dam
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Hluhluwe-dam | |
---|---|
Amptelike naam | Hluhluwe-dam |
Ligging | naby Hluhluwe-iMfolozipark |
Provinsie/Land | KwaZulu-Natal, Suid-Afrika |
Koördinate | 28°7′14″S 32°8′3.7″O / 28.12056°S 32.134361°OKoördinate: 28°7′14″S 32°8′3.7″O / 28.12056°S 32.134361°O |
Dam in | Hluhluwerivier |
Doel | Besproeiing en huishoudelik |
Eienaar | Departement van Waterwese |
Soort dam | Boogdam |
Hoogte van wal | 37 m |
Lengte van wal | 550 m |
Reservoir | Hluhluwe-dam |
Kapasiteit | 30 miljoen m³ |
Aktiewe kapasiteit | 26 miljoen m³ |
Opvanggebied | 73 800 ha |
Die Hluhluwe-dam in die Hluhluwerivier in KwaZulu-Natal verskaf water vir besproeiing en huishoudelike gebruik.
Ligging[wysig | wysig bron]
Die damwal lê 6 km stroomaf van die grens van die Hluhluwe-iMfolozipark, naby die Muntutu- en Munyawaneni-ruskampe en wes van die Bushlands-spoorweghalte. Dit is by 28° 7′ 17.4″ suid en 32° 8′ 3.7″ oos.
Doel[wysig | wysig bron]
Die doel van die dam is om die vloei van die rivier so te beheer dat 'n meer konstante watervoorraad beskikbaar is vir die besproeiing van die omliggende suikerrietlande. Ongeveer 'n 2500 ha kan uit die dam besproei word. Daar is geen besproeiingskanale nie.
Afmetings[wysig | wysig bron]
Die damwal is gebou in die jare 1961 tot 1964 en bestaan uit drie betonboë met grondflanke aan weerskante. Die totale kruinlengte is 550 m en die oorloop is 37 m bo die fondament. Aanvanklik was die bakmaat groter as 30 miljoen m³. Tans staan dit op minder as 26 miljoen m³.
Opvanggebied[wysig | wysig bron]
Die dam het 'n opvanggebied van 73 800 ha. In die bolope is die jaarlikse reënval 1016 mm en die afloop is 'n 80 miljoen m³. As die dam vol is, stoot dit meer as 10 km agter die wal tot selfs kilometers ver in die park op.
Verbrakking[wysig | wysig bron]
Baie water wat in die rivier sou deurloop deur die St. Luciameer na die see, word deur die dam teruggehou. Vrees bestaan dat dit mettertyd die soutgehalte van die St. Luciameer sal verhoog. Op 20 Februarie 2018 het die dam na verskeie jare weer oorgeloop.
Sien ook[wysig | wysig bron]
Bibliografie[wysig | wysig bron]
- Ensiklopedie van die Wêreld, deel 5. Stellenbosch: Albertyn, 1973. ISBN 0-949948-17-9
- Ndiritu, J., e.a.: Development of probabilistic operating rules for Hluhluwe Dam, South Africa. www.researchgate.net
- Standard Encyclopaedia of Southern Africa, deel 5. Kaapstad: Nasou, 1972. ISBN 0-625-00321-7
- www.dwa.gov.za/Documents/DWS_DAMS%20LIST%20INTERNET.pdf