Hoërskool Die Wilgers

Hoërskool Die Wilgers is 'n hoërskool wat in Januarie 1982 in die gelyknamige voorstad, Die Wilgers, in Pretoria gestig is. Die skool was aanvanklik bekend as Hoërskool Struland. Op 11 Februarie 1982 is die skool se naam verander na Hoërskool Die Wilgers.

Geskiedenis

15 September 1980: Die grond vir die skoolterrein ten bedrae van R792 186,65 is amptelik aangekoop. Dit beslaan vier hoewes van gedeelte 33 van die plaas Hartebeespoort. Die grootte van die terrein is dus 8.5 ha.

4 Januarie 1982: Mnr. H.M.G. Davin, afgetrede inspekteur van onderwys, aanvaar diens as waarnemende hoof. Gedurende die vakansie neem hy die eerste voorrade in ontvangs.

5 Januarie 1982: Die onderwyspersoneel, bestaande uit vyf mans en dertien dames asook twee administratiewe dames, meld aan en vergader in die woonhuis wat gebruik sal word as administratiewe gebou. Die hoofslaapkamer word ingeris as die kantoor vir die hoof.

6 Januarie 1982: 284 leerlinge en vele ouers is met die opening van ons nuwe skool teenwoordig. Dr. Helberg neem die opening waar. Toesprake word gelewer deur mnre. S. Schoeman, L.U.K. belas met onderwys; J. Vermeulen, Inspekteur van Onderwys en ds. Reinecke, voorsitter van die Aksiekomitee.

23 Januarie 1982: Die eerste Interhuis-atletiekbyeenkoms vind plaas op die sportvelde van die Hoërskool Silverton.

29 Januarie 1982: Die konstitueringverslag van die skoolkomitee vind plaas om 11:15 in die hoof se kantoor.

9 Februarie 1982: Die Skoolkomitee nader die Onderwysdepartement en beveel aan dat die skool se naam verander word van Hoërskool Struland na Hoërskool Die Wilgers.

11 Februarie 1982: Die departement erken die nuwe naam.

25 Februarie 1982: Ons eerste interhoër-atletiekbyeenkoms vind by die stadion van die Hoërskool Menlopark plaas. Ons maak geskiedenis deur die Persentielbeker te verower. Voorwaar 'n prestasie!

11 Maart 1982: Ons skooldrag word gefinaliseer.

30 Maart 1982: Ons hou ons eerste opeluskonsert in die "saal" onder die bome en die aand word op 'n hoogtepunt afgesluit met die verskyning van die eerste uitgawe van ons skoolkoerantjie "Deurie Blare".

11 Mei 1982: Mnr. G Mynhardt word deur die Skoolkomitee gevra om 'n skoolwapen te ontwerp. Ons skoolleuse "Diep Gewortel", word deur hom voorgestel.

3 Augustus 1982: Mnr. L.J. Strachan, aanvaar diens as die eerste permanente hoof. Mnr. J.J. Conradie aanvaar diens as die eerste Departementshoof Opvoedkundige Leiding.

1 Oktober 1982: Die sportterrein word voltooi en deur die Werke Departement aan die skool oorhandig. Die opname van getalle vanaf die omringende laerskole is gefinaliseer. 'n Rekordgetal st. 6-leerlinge vir 1983 naamlik 210, oortref ons stoutste verwagtinge.

4 Oktober 1982: Mnr. J Stutterheim begin met die saai en aanplant van die gras vir die sportterrein.

1 Desember 1982: Die eerste jaarblad verskyn en word aan die leerlinge oorhandig.

Skoollied

Die strewe om ons God te dien

Getrou aan volk en taal

Is diep gewortel in ons siel

Ons hoogste ideaal.

In werk en spel is dit ons doel

Die beste te behaal;

Alma mater skool van faam

In ons hart dra ons jou naam.

Refrein:

Hoërskool 'Die Wilgers'

Hef jou leuse aan

'Diep Gewortel', ongetaan

Durf die toekoms aan.

Bekende alumni

• Ruan Josh, Afrikaanse Sanger.
• Cara Meiring, Aktrise.
• Annelie Bouwer, GrootFM Radiopersoonlikheid.
• Hykie Bergh, Akteur Binnelanders.
• Pulane Sekepe-Nel, Aktrise, Ofm Radiopersoonlikheid, Aktrise.
• Cintaine Schutte, Aktrise.
• Steven Tucker, "Homo Naledi" ontdek.
• Ansu van der Sluys, Aktrise en draaiboekskrywer.
• Rea le Roux, sangeres.
• Liezl van der Merwe, Aktrise en danser.
• Runaldo Hendriks, Akteur.
• Dan van Zyl, Springbok skrumskakel.
• Albert Pretorius, Akteur.
• Liesl Ahlers, Aktrise en sangeres.
• Rozanne Matthyse, SA Netbalspeler en Afrigter.
• Willie Engelbrecht, URC Stormers en Pumas rugbyspeler.
• Arno van Zijl, SA Stoeikampioen.
• Shaun Norris, Gholfspeler: Europese-, Japanese-, en Sonskyntoerwenner.
• Laurette Hamman, Operasanger, Sydney Operahouse.
• Bok van Blerk, Afrikaanse sanger.
• Franja du Plessis, Afrikaanse sangeres.
• Sean Else, rolprentvervaardiger, 7de Laan, Varkplaas, KKNK, sanggroep EDEN, skrywer-regisseur van Ons vir jou Suid-Afrika, advertensies.
• Yvette Groenewald, kabaret, musiek en sang.
• Anel Alexander, 7de Laan en teaterproduksies, Getroud met Rugby.
• Angerie van Wyk, kabaret in geselskap van Trix Pienaar en Danielle Pascal; openingsproduksie vir die Wêreldberaad in Augustus 2002.
• Elle Chapman, kabaretster, sanger, skrywer en wenner van Beeld se Geraas-sangkompetisie.
• Marchette van Schalkwyk, Song vir Katryn en 7de Laan.
• Pierre Breytenbach, 7de Laan, Casper Rasper, Egoli, Getroud met Rugby, sanger in Ons vir jou Suid-Afrika. Ook TV, toneel, kabaret en gereelde optredes by Aardklop.

Eksterne skakels

• hswilgers.co.za