Hoeni

in Wikipedia, die vrye ensiklopedie
Jump to navigation Jump to search
Hoeni
Ook Ny-Soeteh, Nisoet-Hoe, Kerpheris, Aches
Pienkgranietborsbeeld, moontlik van Hoeni (Brooklyn-museum).
Pienkgranietborsbeeld, moontlik van Hoeni
(Brooklyn-museum).
Farao van die 3de Dinastie
Periode 24 jaar
Voorganger Chaba ?
Opvolger Snefroe
Hoeni in Egiptiese hiërogliewe
Nomen of geboortenaam
G39N5
 
Hiero Ca1.svg
swt
n
H
Hiero Ca2.svg
Portaal  Portaalicoon   Antieke Egipte

Hoeni (oorspronklike naam onbekend) was ’n farao van die 3de Dinastie tydens die Ou Ryk van Antieke Egipte. Daar word geglo het hy 24 jaar lank regeeer, tot omstreeks 2600 v.C.

Hoeni se posisie as laaste koning van die 3de Dinastie lyk redelik seker, maar daar is nog taamlike onsekerheid oor die volgorde van die heersers aan die einde van dié tydperk. Dit is ook onseker onder watter Griekse naam Hoeni bekend was – moontlik as Aegyptiacae volgens Manetho of Aches volgens Winfried Barta. Baie Egiptoloë glo Hoeni was die pa en direkte voorganger van Snofroe, maar dit word betwis. Hoeni word beskou as ’n verwarrende figuur in die geskiedenis omdat hy lank in Egiptiese tradisies onthou is, maar min dokumente, voorwerpe of monumente oor hom behoue gebly het.

Lewe[wysig | wysig bron]

’n Granietsteen met Hoeni se cartouche.

Hoeni kom nie baie voor in die geskiedenis nie; die meeste verwysings na hom is indirek. Die eerste is ’n stele van rooi graniet wat in 1909 op die eiland Elephantine ontdek is. Die inskripsie noem ’n koninklike paleis van Hoeni en skryf Hoeni se naam binne ’n cartouche. Die oorspronklike plek waar die stele gestaan het, is nie bekend nie.

Die tweede keer dat sy naam genoem word, is op ’n steenbak wat in 2007 ontdek is. Hoeni se naam word sonder ’n cartouche geskryf, maar met die Nesoe-biti-naam.

Hy word ook genoem op die agterkant van die Palermosteen oor die 5de-dinastiese koning Neferirkare Kakai, wat blykbaar ’n dodetempel laat bou het vir die kultus van Hoeni. Die tempel is egter nog nie gevind nie.

Hoeni word ook in ’n papirus uit die 13de Dinastie genoem, en dit gee ’n belangrike aanduiding van sy opvolging: "Maar toe het sy majesteit koning Hoeni gesterf en sy majesteit koning Snofroe het oor die hele land regeer. En Kagemni het die nuwe burgemeester van die koninklike hoofstad en die visier van die koning geword."[1] Baie geleerdes glo dit versterk die teorie dat Hoeni die laaste koning van die 3de Dinastie was en dat Snofroe, die eerste koning van die 4de Dinastie, sy direkte opvolger was.[2]

Verwysings[wysig | wysig bron]

  1. Hellmut Brunner: Altägyptische Erziehung. Harrassowitz, Wiesbaden 1991, ISBN 3-447-03188-3, bl. 154.
  2. Nicolas Grimal: A History of Ancient Egypt, pp. 65–67.

Eksterne skakels[wysig | wysig bron]