iOS

in Wikipedia, die vrye ensiklopedie
Jump to navigation Jump to search
iOS
Apple iPhone.jpg
Ontwikkelaar Apple Inc.
Aanvanklike vrystelling 29 Junie 2007
Nuutste weergawe 12.4.1 (16C50)/ 26 Augustus 2019
Nuutste betaweergawe 13 Beta 8/ 21 Augustus 2019
Programmeertaal C, C++, Objective-C, Swift
Platform ARMv8-A (iOS 7 en latere)
ARMv7-A (iPhone OS 3–iOS 10)
ARMv6 (iPhone OS 1–iOS 4.2.1)
Beskikbaar in Veeltalig (40 tale)
Lisensie Proprietêre sagteware
Webblad www.apple.com/ios/

iOS (oorspronklik iPhone OS genoem) is 'n mobiele bedryfstelsel wat deur Apple Inc. eksklusief vir sy eie hardeware ontwikkel is. Tans word die meeste van Apple se mobiele toestelle deur hierdie bedryfstelsel aangedryf, insluitende die iPhone, iPad en iPod Touch. Dit is tans die tweede gewildste mobiele bedryfstelsel wêreldwyd na Android.

iOS is oorspronklik in 2007 bekend gestel as die bedryfstelsel vir Apple se slimfoon iPhone, maar later ook gebruik om ander Apple-toestelle aan te dryf soos die musiekspeler iPod Touch (vanaf September 2007) en die tabletrekenaar iPad (vanaf Januarie 2010).[1] In Maart 2018 was daar meer as 2,1 miljoen iOS-toepassings in Apple se toepassingswinkel beskikbaar, waarvan sowat een miljoen vir gebruik op die iPad bestem is.

iOS is 'n derivaat van Apple se macOS-bedryfstelsel vir tafel- en skootrekenaars en baseer op Apple se oopbron-bedryfstelsel Darwin wat op sy beurt op basis van NeXTStep (vanaf 1986) ontwikkel is - 'n BSD-Unix-bedryfstelsel met 'n Mach-kern en 'n destyds innovatiewe grafiese gebruikerskoppelvlak.

Verwysings[wysig | wysig bron]

  1. Sumi Helal | Raja Bose | Wendong Li: Mobile Platforms and Development Environments. San Rafael, CA: Morgan & Claypool 2012, bl. 9