IP-adres

in Wikipedia, die vrye ensiklopedie
Jump to navigation Jump to search

'n IP-adres is 'n unieke nommer, soortgelyk aan 'n telefoonnommer, wat deur masjiene (gewoonlik rekenaars) gebruik word om na ander masjiene te verwys wanneer inligting oor die Internet versend moet word; die Internet Protokol bestuur hierdie kommunikasie.

'n Voorbeeld van 'n IP-adres is 207.142.131.236. Omdat mense moeilik sulke nommers onthou, is 'n gepaardgaande stelsel ontwerp om name (soos www.wikipedia.org) na hierdie nommers om te skakel, bekend as die DNS (Domain Name System).

IP-weergawes[wysig | wysig bron]

Daar is twee weergawes van die Internet Protokol wat hoofsaaklik in gebruik is, elk met sy eie definisie en voorstelling van 'n IP-adres.

IPv4[wysig | wysig bron]

IPv4 (Internet Protokol weergawe 4) gebruik 32 bisse (4 grepe) om die adres te stoor, wat 'n totaal van 4 294 967 296 (232) verskillende adresse gee. 'n Aantal van hierdie adresse word egter gereserveer vir ander doeleindes, soos by voorbeeld, vir gebruik in privaat netwerke.

Voorbeeld: 207.142.131.236

IPv6[wysig | wysig bron]

IPv6 (Internet Protokol weergawe 6) gebruik 128 bisse (16 grepe) om die adres te stoor, wat, teoreties, 'n totaal van 2128 unieke adresse kan voorsien.

Voorbeeld: 2001:0db8:85a3:08d3:1319:8a2e:0370:7334

Aanneming[wysig | wysig bron]

Vanaf Februarie 2018, is net 40% van die top 126 webwerwe op die internet beskikbaar deur ipv6.[1] Hulle is meestal Google webwerwe. En volgens Google se statistiek, is omtrent 23% van alle verkeer op hulle netwerk ipv6. [2]

Volgens 'n Internet Society verslag in 2018:[3]

  • Baie van die groot netwerkoperateurs in die VSA, Europa en Asië het IPv6 op groot skaal ontplooi.
  • Byna 'n half miljard mense gebruik IPv6 met net die top 15 ISP's gekombineer. Indië se Reliance Jio het die meeste IPv6-gebruikers met 237 miljoen, die Verenigde State se Comcast is nommer twee met 36 miljoen en die Verenigde State se AT&T is derde met 30 miljoen.
  • Die implementering van IPv6 is wêreldwyd, en die top 10 lande wat die nuwe protokol gebruik is België, Griekeland, Duitsland, die VSA, Uruguay, Indië, Switserland, Japan, Maleisië en Brasilië.
  • 80 persent van die slimfone in die VSA op die groot sellulêre netwerkoperateurs (AT&T, Sprint, T-Mobile en Verizon) gebruik IPv6. Minder as drie jaar gelede was dit minder as 40 persent.
  • In 2012 het minder as een uit elke honderd verbindings met Google-dienste IPv6 gebruik. Vandag is die getal byna een uit elke vier.
  • Baie van die grootste internetinhoudverskaffers en inhoudleweringsnetwerke bied standaard IPv6-diens. 28 persent van die Alexa Top 1000-webwerwe is IPv6-geaktiveer, insluitende groot strooming video-dienste.

Verwysings[wysig | wysig bron]

Eksterne skakels[wysig | wysig bron]