Iarnród Éireann
| Iarnród Éireann Irish Rail | |
  | |
| Tipe | Private limited company by shares |
|---|---|
| Gestig | 2 Februarie 1987 |
| Hoofkantoor | Dublin, Ierland
|
| Sleutelpersone | P. Gaffney (voorsitter) David Franks (hoof uitvoerende beampte) |
| Gebied bedien | Republiek Ierland |
| Industrie | Openbare vervoer, spoorweë, infrastruktuur |
| Werknemers | 4 198 (2011) |
| Moedermaatskappy | Córas Iompair Éireann (CIÉ) |
| Webwerf | iarnrodeireann.ie |
Iarnród Éireann [ˈiəɾˠnˠɾˠoːdˠ ˈeːɾʲən̪ˠ], Engels: Irish Rail, is die nasionale spoorwegmaatskappy in die Republiek Ierland (Éire). Die maatskappy is op 2 Februarie 1987 as 'n filiaal van Córas Iompair Éireann (CIÉ), Ierland se staatsbeheerde vervoerkorporasie, gevorm.
Alle langafstand-, pendelaar- en vragtreindienste in die Republiek van Ierland en Rosslare Europort, 'n moderne seehawe in Rosslare, word deur Iarnród Éireann bedryf. Die Enterprise-treindiens tussen Dublin en Belfast in Noord-Ierland word gesamentlik bedryf met Northern Ireland Railways. In 2009 het Iarnród Éireann 38,8 miljoen passasiers vervoer.
In 2012 was Ierland die enigste lidstaat van die Europese Unie (EU) waar die bepalings van die EU-verordening 91/440 nog nie geïmplementeer was nie. Volgens dié verordening moet treindienste en infrastruktuur van mekaar geskei word sodat privaat treindienste toegang tot die spoorwegnetwerk kry. In 2013 is die bepalings nagekom.
