Ina de Villiers

in Wikipedia, die vrye ensiklopedie
Jump to navigation Jump to search
Ina de Villiers
Geboortenaam S.J.A. van Schalkwyk
Gebore 24 Februarie 1919
Oorlede 20 September 2010
Stellenbosch
Nasionaliteit Suid-Afrika
Beroep Skrywer
Bekend vir Kook en Geniet
Eerbewyse Afrikroon-prys
Huweliksmaat Japie de Villiers
Kind(ers) Eunice en Heleen

S.J.A. (Ina) de Villiers (1919–2010) was die skrywer van die Afrikaanse kookboek, Kook en Geniet, wat ook in Engels vertaal is.[1] Daar is in 2005 geskat dat meer as 'n half miljoen Afrikaanse eksemplare verkoop is. Teen die tyd van die skrywer se dood het verkope in beide tale meer as 'n miljoen oortref, wat dit die suksesvolste Suid-Afrikaanse kookboek ooit maak. Sedert die eerste uitgawe tot die outeur se dood was die boek nooit uit druk gewees nie.[2]

Biografie[wysig | wysig bron]

Stoffelina Johanna Adriana van Schalkwyk is op 24 Februarie 1919 gebore. Sy het Tuis Ekonomie aan die Universiteit Stellenbosch bestudeer en verwerf in 1940 die graad BScHuish.

Sy skryf haar eerste kook- en kombuisgids om jong vroue te help, maar niemand wou dit publiseer nie. In 1951 besluit sy om die boek saam met haar man, Japie de Villiers, 'n geoloog, en met die hulp van prof. Mattie Jooste te publiseer. Die boek word 'n reuse sukses.

In 1961 publiseer sy die Engelse vertaling, Cook and Enjoy It, wat net so 'n groot sukses was.

In 1990 tree hulle uit die drukkersbedryf en Human & Rousseau neem die regte (vir produksie en bemarking) oor. In November 2009 publiseer Human & Rousseau 'n opgedateerde weergawe met die hulp van Ina se dogter, Eunice van der Berg.

Die ATKV het in Mei 2010 aan haar die Afrikroon-prys toegeken.

De Villiers is op 20 September 2010 op 91-jarige ouderdom oorlede. Sy word oorleef deur haar twee dogters en ses kleinkinders.

Bibliografie[wysig | wysig bron]

Verwysings[wysig | wysig bron]