Inaccessible-eiland

in Wikipedia, die vrye ensiklopedie
Jump to navigation Jump to search
Inaccessible*
Unesco-wêrelderfenisgebied

Inaccessible Island ASTER.jpg
Ligging van Inaccessible-eiland op 'n kaart (Atlantiese Oseaan)
Inaccessible-eiland
Inaccessible-eiland
Koördinate: 37°18′0″S 12°40′48″W / 37.30000°S 12.68000°W / -37.30000; -12.68000Koördinate: 37°18′0″S 12°40′48″W / 37.30000°S 12.68000°W / -37.30000; -12.68000
Lande Vlag van Verenigde Koninkryk Verenigde Koninkryk
Tipe Natuur
Kriteria vii, x
Verwysings 740
Streek Europa en Noord-Amerika
Inskripsiegeskiedenis
Inskripsie 1995  (19de Sessie)
* Naam soos dit in die Wêrelderfenislys verskyn.
Streek soos deur Unesco geklassifiseer.

Inaccessible is 'n eilandjie in die Tristan-argipel in die suidelike Atlantiese Oseaan. Die ander eilande in die groep is Tristan da Cunha, Nightingale en Gough en twee rotspunte bekend as Middle en Stoltenhoff. Hulle is dele van die bergreeks (die mid-Atlantiese rif) wat van noord na suid op die bodem van die Atlantiese Oseaan loop en bo die oppervlak van die see uitsteek.

Inaccessible is 14 km2 groot en het 'n vierkantige en plat piek. Die hoogste punt is aan die westekant en is 560 m bo die seevlak . Dit is 'n rustende vulkaan en die krater is gevul met water. Die onbewoonde eiland is 29 km van Tristan da Cunha, 32 km suidwes van Nightingale en 370 km noord van Gough. Middle en Stoltenhoff is op gesigsafstand.

In 1821 het die skip Blenden Hall in digte mis by die eilandjie vergaan. Vyftig oorlewendes het vir 3 maande hier oorleef deur voëleiers te eet voordat hulle deur inwoners van Tristan da Cunha gewaar en gered is. Vanaf November 1871 het twee jong Duitse avonturiers, die broers Frederick en Gustav Stoltenhoff, vrywillig op die eilandjie gaan woon. Hulle is in Oktober 1873 deur die navorsingskip HMS Challenger gered en na Kaapstad gebring.

Fauna en flora[wysig | wysig bron]

'n Inaccessible-eilandriethaan (Atlantisia rogersi)

Al hierdie eilandjies is in wetenskaplike kringe bekend om hul ongerepte flora en fauna. Veral die “eilandriethaan” (Atlantisia rogersi), wat ooreenkomste met die kiwi van Nieu-Seeland toon, is uniek. Die Inaccessible-streepkoppie (Nesospiza acunhae) is endemies aan die eiland. Inaccessible is 'n wêrelderfenisgebied.

Bibliografie[wysig | wysig bron]

  • Green, Lawrence G.: Strange Africa. Kaapstad: Howard Timmins, 1982. ISBN 0-86978-081-6
  • Green, Lawrence G.: Where men still dream. Kaapstad: Howard B. Timmins, s.j.
  • Rosenthal, Eric: Shelter from the spray. Being the true and surprising story of the brothers Fredrick and Gustav Stoltenhoff, lately of Cape Town, their various adventures on a desert island and elsewhere, their love affairs and subsequent fate. Kaapstad: Howard B. Timmins, 1952.