Inga-waterval

in Wikipedia, die vrye ensiklopedie
Jump to navigation Jump to search
Die Inga-waterval

Die Inga-waterval (Rapides d’Inga) in die Kongorivier is die grootste waterval in die wêreld en het boonop die grootste potensiaal vir die opwekking van hidroëlektrisiteit in die wêreld.

Ligging[wysig | wysig bron]

Die Inga-waterval in die DRK maak die laaste deel van die Livingstone-waterval uit. Dit is geleë 140 km suidwes van Kinshasa, Brazzaville en die Malebo-poel, 50 km van die mond van die Kongorivier en 40 km noordoos van die rivierhawe Matadi en by 5° 26′ 55.81″ suid en 13° 35′ 18.1″ oos. In die omgewing van die dorpie Inga en tussen die waterval en die Rapides de Kanza maak die rivier 'n skerp draai en verdeel in honderde kleiner strome en tientalle eilande.

Waterval[wysig | wysig bron]

Die waterval bestaan uit 'n groot reeks enorme stroomversnellings waartydens die rivier 96 m val oor 'n afstand van 15 km. Gewoonlik spoel 40 000 m³ water per sekonde hier verby, maar 'n maksimum van net oor die 70 000 m³/s is al gemeet. Hier is twee groot opgaardamme met hul kragstasies om hidroëlektrisiteit op te wek. Teoreties kan hier so baie elektrisiteit opgewek word om aan die grootste deel van Afrika se behoeftes te voorsien. Uitbreiding aan die waterkragsentrales is aan die gang. Die Suid-Afrikaanse regering het ook belangstelling getoon om van hierdie elektrisiteit te koop.

Bibliografie[wysig | wysig bron]

  • britannica.com
  • internationalrivers.org
  • media.africaportal.org
  • wondermondo.com
  • worldwaterfalldatabase.com