Intergalaktiese ster

in Wikipedia, die vrye ensiklopedie
Spring na: navigasie, soek
’n Botsing tussen sterrestelsels kan dalk intergalaktiese sterre tot gevolg hê.

’n Intergalaktiese ster is ’n ster wat buite ’n sterrestelsel voorkom. Hoewel dit nog onseker is hoe hulle ontstaan, word geglo hulle word deur botsings tussen sterrestelsels die ruimte ingewerp.

Die algemene beskouing dat sterre net in sterrestelsels voorkom, is in 1997 verkeerd bewys met die ontdekking van ’n groot groep intergalaktiese sterre.[1] Die eerste een wat ontdek is, was in die Virgo-sterrestelselswerm. Daar word nou geglo sowat ’n biljoen (miljoen miljoen) sulke sterre kom in dié swerm voor.[2] Hulle is sowat 300 000 ligjare weg van die naaste sterrestelsel. Later in die 1990's is nog sulke sterre in die Fornax-sterrestelselswerm ontdek.

Hoewel die massa van die sterre nie bekend is nie, word gereken hulle kan tot 10 persent van die massa van die Virgo-swerm uitmaak. Hul gesamentlike massa is dus groter as enige van die 2 500 sterrestelsels in die swerm.

Nog ’n teorie is dat hulle deur supermassiewe swartkolke uitgewerp word.

Verwysings[wysig]

  1. NewsCenter - Hubble Finds Intergalactic Stars (01/14/1997) - Introduction”. HubbleSite: 1997-01-14. URL besoek op 2010-12-09.
  2. NewsCenter - Hubble Finds Intergalactic Stars (01/14/1997) - Release Text”. HubbleSite: 1997-01-14. URL besoek op 2010-12-09.

Crystal txt.png Hierdie artikel is vertaal uit die Engelse Wikipedia