Internasionale Universiteit Eurasië
- Hierdie artikel handel oor die universiteit in Armenië en moenie met Eurasiese Internasionale Universiteit verwar word nie.
| Internasionale Universiteit Eurasië | |
|---|---|
| Ligging: | , Armenië |
| Webtuiste: | www |
Die Internasionale Universiteit Eurasië (IUE, Armeens: Եվրասիա միջազգային համալսարան) is 'n universiteit in Armenië wat opvoedkundige geleenthede binne die nasionale kwalifikasie van Armenië in die volgende vlakke aanbied: VI - baccalaureus, VII - meester, VIII - navorser (navorsingsgraad - kandidaat van die wetenskap). Die universiteit se basis hoër beroepsopleidingsprogramme sluit in: bestuur, regsgeleerdheid, vreemde tale (Engels, Frans, Duits), farmasie, en inligtingstelsels (IS).
Vanaf 2013 en tot op hede bied die universiteit die volgende programme vir die toekenning van 'n doktorsgraad aan: ekonomie en die bestuur van sy sektore (Ը.00.02), Duits (Ժ.02.07), en openbare reg (konstitusioneel, administratief, finansieel, plaaslike selfbestuur, natuurbewaring, Europese reg, staatsbestuur) (ԺԲ.00.02).
Die meestersgraad sluit die volgende spesialiteite in: konstitusionele teg, nurgerreg en die regsproses, strafreg en die regsproses, internasionale en Europese reg, bestuur, projekbestuur, bestuur van elektroniese besigheid, hotelbestuur, Engelse taal en letterkunde, farmasie, en inligtingstelsels (IS).
In 2002 het die universiteit 'n algemene akkreditasie ondergaan, gevolg deur twee instellingsakkreditasies (in 2015 is dit vir twee jaar geakkrediteer, en in November 2018 is dit vir vier jaar geakkrediteer) deur die Nasionale Sentrum vir die Versekering van die Kwaliteit van Professionele Onderwys volgens die "Standaarde en aanbevelings vir die versekering van kwaliteit in die Europese Ruimte van Hoër Onderwys". IUE is een van die twee private universiteite in Armenië (van die 25) wat vir vier jaar geakkrediteer is.
Vanaf 2005 het die universiteit oorgeskakel na die Europese Kredietoorplasing- en Akkumulasiesisteem (ECTS) en werk volgens die Bologna-aksieplan: die universiteit vergelyk voortdurend die opvoedkundige programme van EU-maatuniversiteite om opvoedkundige programkompatibiliteit en harmonisering te verseker, en bevorder die mobiliteit van administratiewe personeel en studente.
Deur saam te werk met 'n aantal EU-universiteite binne die Erasmus Mundus-program (IUE is 'n lid van die ALRAKIS-, ALRAKIS 2-, en MID-konsortiums) en later Erasmus + KA1, het IUE 'n beleid van volle erkenning van krediete aanvaar en gepaste meganismes vir die implementering van hierdie beleid ontwikkel. Met die aantal uitgevoerde projekte binne die Erasmus + KA1-program is die universiteit een van die top vyf universiteite in Armenië.
Afgestudeerdes van die Internasionale Universiteit van Eurasië ontvang bylaes by hul diploma volgens die ontwikkelde vorm van die Europese Kommissie, die Europese Raad, en UNESCO / IBE. Krediete wat by maatuniversiteite verwerf is, word duidelik in die bylaes van die diploma aangeteken, wat studente help om hul opvoedkundige pad te differensieer en beter werksgeleenthede te hê.
Binne die deur die Europese Unie gefinansierde Erasmus + HARMONY-program (die ontwikkeling van EU-benaderings en maatuniversiteitsbenaderings vir die harmonisering van innoverende strategiese internasionaliserings in hoër onderwys en navorsing) en in die loop van die implementering van EU-maatuniversiteitsvoorstellings en -programme, en gebaseer op uitgevoerde analises, het IUE 'n afsonderlike internasionaliseringsstrategie ontwikkel wat bekend staan as "Die Ontwikkeling van die DNS van die Internasionale Universiteit van Eurasië". Die nuwe internasionaliseringsstrategie beklemtoon 'n aantal kernkomponente wat ingesluit is in vyf hoofrigtings: (i) internasionalisering van bestuurs- en akademiese personeel; (ii) bevordering van studentemobiliteit, verhoging van die aantal buitelandse studente; (iii) internasionalisering van opvoedkundige programme en hul inhoud; (iv) internasionalisering van navorsing en die uitbreiding van internasionale samewerking; (v) die versterking van die internasionale visie van IUE.
Geskiedenis[wysig | wysig bron]
Die Internasionale Universiteit Eurasië (Internasionale Universiteit en Menseregte Instituut "Eurasië") is in 1996 gestig; die universiteit is op 13 Maart 2002 amptelik volgens die besluit van die Ministerie van Onderwys en Wetenskap van die Republiek Armenië geakkrediteer. Vandag het dit die reg om staatsgetuigskrifte uit te reik. Na voltooiing van studies verskaf die universiteit ook addenda by die getuigskrifte wat aan die standaarde van die Europese Kommissie, die Raad van Europa en UNESCO/SEPS voldoen.
In 2005 het die Internasionale Universiteit Eurasië oorgeskakel na 'n akademiese kredietstelsel (ECTS) en 'n reeks programme vir internasionale studente- en dosente-uitruil geïnisieer. Die universiteit bied geleenthede vir akademiese opleiding op die volgende vlakke van die nasionale kwalifikasiestruktuur van die Republiek Armenië: baccalaureus (VI), meester (VII), navorsing (VIII, doktorsgraad).
Volgens sy eie woorde het die universiteit reeds tien jaar lank 'n "toewyding aan sy internasionaliseringsstrategie en aktiewe samewerking met internasionale organisasies" - hy het aangesluit by of is 'n lid van 'n "reeks internasionale studiebeursprogramme". Binne hierdie programme het die universiteit 'n "reeks internasionale projekte op verskeie vlakke uitgevoer, soos studente-uitruil, opleiding en seminare vir dosente en personeel".
In 2015 is die universiteit "Eurasië" vir die tweede keer deur die Nasionale Sentrum vir die Versekering van die Kwaliteit van Professionele Onderwys geakkrediteer: die besluit is later deur die Ministerie van Onderwys en Wetenskap van die Republiek Armenië goedgekeur. Sedert sy stigting bied die universiteit aan die beste studente die geleentheid om gratis te studeer: elke jaar studeer ongeveer 10% van die studente gratis, en 20-30% van die studente ontvang finansiële ondersteuning tydens hul studies.
Spesialiteite[wysig | wysig bron]
Die Internasionale Universiteit en Menswetenskaplike Instituut Eurasië bied opleiding aan in die volgende spesialiteite:
- Bestuur
- Regsgeleerdheid
- Vreemde tale (Engels, Frans, Duits)
- Farmasie
- Inligtingstelsels (IS)
Uitruilprogramme[wysig | wysig bron]
Die Internasionale Sentrum vir Navorsing en Verhoudings van die Internasionale Universiteit Eurasië bied studente van die geleentheid om opleiding in die buiteland te volg. Op die oomblik, met die hulp van die Europese Unie, as gevolg van die samewerking tussen IUE en universiteitsvennote, is uitruilprogramme beskikbaar by die volgende universiteite:
- Warskou-Universiteit van Lewenswetenskappe (Pole)
- Ekonomiese Universiteit van Warskou (Pole)
- Universiteit van die Midde-Ooste (Turkye)
- Universiteit Masaryk (Tsjeggië)
- Universiteit Mykolas Romeris (Litoue)
- Aristoteles-Universiteit van Thessaloniki (Griekeland)
- Universiteit Santiago de Compostela (Spanje)
- Universiteit Valencia (Spanje)
- Universiteit van Siprus
- Aleksander Tegnologiese Opvoedkundige Instituut in Thessaloniki (Griekeland)
- Universiteit Jagiellonian (Pole)
- Universiteit Łódź (Pole)
Uitruilprogramme word geïmplementeer met die ondersteuning van die Europese Unie en binne die raamwerk van die Erasmus+-program, waar studente 'n maandelikse toelaag van 700-800 euro vir akkommodasie en ander onkoste ontvang. Die borg betaal ook die reiskoste.
