Jack Hindon

in Wikipedia, die vrye ensiklopedie
Jump to navigation Jump to search

Kaptein Oliver John Hindon (20 April 187419 Maart 1919), bekend as Jack, was 'n Boereverkenner tydens die Tweede Vryheidsoorlog. Hy is in Engeland gebore en sluit by die Britse leër aan as 'n trommelaar. Hy kom na Suid-Afrika as 'n veertienjarige toe sy regiment na Zoeloeland verplaas word. Hy en 'n paar seuns dros nadat sy sersant-majoor hulle sleg behandel het. Hulle gaan na die Transvaal waar hulle 'n tydlank op die myne werk. Hy word later 'n suksesvolle bouer en boer op Middelburg. Hy staan die ZAR by tydens die Jameson-inval en burgerskap word aan hom toegeken as erkenning vir sy diens. Hy sluit aan by die Republikeinse Berede Polisie.

Met die uitbreek van die Tweede Vryheidsoorlog sluit hy aan by die Boeremagte. Hy werk saam met Danie Theron en word 'n legendariese figuur as gevolg van sy dapperheid en waaghalsigheid. Tydens die Slag van Spioenkop word hy, Henri Slegtkamp en De Roos bekend toe hulle drie alleen generaal Buller se magte terughou. Later was hy in bevel van sy eie korps en het groot skade aangerig deur onder andere Britse spoorweglyne op te blaas. Op 28 Junie 1901 blaas hy die spoorlyn op digby Uitkyk stasie, omgewing Balmoral, op 4 Julie 1901 ontspoor hy 'n trein suid van Naboomspruit en op 31 Augustus ontspoor hy 'n trein tussen Waterval en Hammanskraal. Hy word platgetrek met koors net voor die oorlog tot 'n einde kom en was nooit gevang nie en word as 'n Bittereinder gereken. Hy is in Pretoria oorlede.

Sien ook[wysig | wysig bron]

Bronne[wysig | wysig bron]