Jacques-Louis David

in Wikipedia, die vrye ensiklopedie
Spring na: navigasie, soek
Jacques-Louis David
’n Beeld van die betrokke persoonlikheid.
Selfportret van Jacques-Louis David, 1794, Musée du Louvre

Geboortenaam Jacques-Louis David
Gebore 30 Augustus 1748
Parys
Oorlede 29 Desember 1825
Brussels, België
Nasionaliteit Frankryk
Beroep Skilder, politikus
Eerbewyse Prix de Rome

Jacques-Louis David (30 Augustus 1748 - 29 Desember 1825) was 'n politikus en kunstenaar wat tydens die Franse Revolusie geleef het. Hy was die leidende figuur van die neoklassisisme en het vele 19de-eeuse Franse skilders beïnvloed.

As politikus is hy veral bekend as een van die handjievol leiers wat Frankryk tydens die gewelddadigste deel van die Franse Revolusie regeer het. David het geglo dat Frankryk 'n republiek en nie 'n monargie moet wees nie. Hy het gestem ten gunste daarvan om koning Lodewyk XVI van Frankryk met die guillotine tereg te stel. Toe die Franse Revolusie begin misluk, was David gretig om te sien dat Napoleon Bonaparte die keiser van Frankryk word.

Die Dood van Marat deur Jacques-Louis David (1793)

As skilder wou Jacques-Louis David sien dat kunswerke 'n politiese boodskap uitdra. Hy het dikwels die helde (of mites) van die geskiedenis wat volgens hom goeie ideale soos krag, broederskap en deugsaamheid verteenwoordig het geverf. Sy skilderye is baie realisties en beeld dikwels helde van Antieke Griekeland en Rome uit. Dit is bekend as die neoklassieke styl van die skilderkuns.

Een van David se bekende skilderye is die van sy beste vriend, Jean-Paul Marat, wat tydens die Franse Revolusie vermoor is. David se skildery het gehelp om Marat as 'n gewilde martelheld te vestig.

Sien ook[wysig | wysig bron]

Eksterne skakels[wysig | wysig bron]