Jacques Pauw

in Wikipedia, die vrye ensiklopedie
Jacques Pauw
NasionaliteitVlag van Suid-Afrika Suid-Afrika
BeroepSkrywer en journalis
Bekend virThe President's Keepers
Vrye Weekblad

Jacques Pauw is 'n Suid-Afrikaanse ondersoekende joernalis. Hy was medestigter van en joernalis vir die anti-Apartheid-koerant Vrye Weekblad en uitvoerende vervaardiger van die Suid-Afrikaanse Uitsaaikorporasie se aktuele nuusprogram Special Assignment. Hy het sy televisieloopbaan in 1994 begin, en spesialiseer in dokumentêre films oor die vasteland van Afrika.

Deur sy joernalistieke loopbaan het Pauw kriminele aktiwiteite in die onderwêreld van Suider-Afrika ondersoek en gruweldade wat deur regerings regoor die Afrika-kontinent gepleeg is, aan die lig gebring. Sake wat deur Pauw se dokumentêre rolprente gedek word, sluit in die Rwandese volksmoord, die Oorlog in Darfoer, en die polisie se doodsgroepe in Suid-Afrika onder apartheid.

In November 2017 het Suid-Afrika se staatsveiligheidsagentskap (SSA) kriminele klagte teen Pauw gebring weens aansprake wat in sy boek, "The President's Keepers" gemaak is. Die Suid-Afrikaanse polisie het in Februarie 2018 op sy huis toegeslaan.

Aftrede[wysig | wysig bron]

In 2014 het Jacques Pauw uit die joernalistiek getree. Hy was destyds die hoof van ondersoeke by Media24-koerante. Hy was drie dekades lank ’n joernalis, voor die drie jaar lange onderbreking ná aftrede waartydens hy (en sy vrou) ’n restaurant begin en bestuur het. Pauw was die meeste van daardie tyd as die sjef by die restaurant, Red Tin Roof, in Riebeek-Kasteel.

Erkenning en eerbewyse[wysig | wysig bron]

Pauw se werk is regoor die wêreld vertoon en hy het verskeie nasionale en internasionale toekennings ontvang, insluitend die Toekenning vir Uitstaande Internasionale Ondersoekende Verslaggewing, die Media-instituut van Suider-Afrika se toekenning vir ondersoekende joernalistiek en die Young African Leadership Award.

Pauw is twee keer aangewys as CNN se Afrika-joernalis van die jaar en hy het ook die Vodacom-joernalis van die jaar-toekenning in Suid-Afrika ontvang. In 2007 het hy die Nakasa-toekenning vir Media-integriteit gewen.[1][2][3][4][5][6]

Verwysings[wysig | wysig bron]

  1. "Special Assignment, The Team". SABCnews.com. Geargiveer vanaf die oorspronklike op 8 Desember 2007. Besoek op 2008-02-18.
  2. Flood, Alison (2017-11-13). "Author of Jacob Zuma exposé 'faces criminal charges'". The Guardian (in Engels). ISSN 0261-3077. Besoek op 2017-11-14.
  3. Ritchie, Gemma (Februarie 28, 2018). "Hawks leave with 'insignificant' papers after raid on Pauw's property". Mail & Guardian. Besoek op Maart 5, 2018.
  4. Pauw, Jacques (2017). The President's Keepers: Those Keeping Zuma in Power and Out of Prison. Tafelberg. ISBN 978-0-624-08303-0.
  5. "CNN African Journalist of the Year Competition". CNN International. Besoek op 2008-02-19.
  6. "Jacques Pauw wins 2007 Nat Nakasa Award". Marketingweb. Besoek op 2008-02-19.


Bibliografie[wysig | wysig bron]

  • 1991: In the Heart of the Whore: The Story of Apartheid’s Death Squads
  • 1997: Into the Heart of Darkness: Confessions of Apartheid’s Assassins
  • 2007: Dances with Devils: A Journalist’s Search for Truth
  • 2009: Little Ice-Cream Boy
  • 2012: Rat Roads: One Man’s Incredible Journey
  • 2017: The President's Keepers: Those Keeping Zuma in Power and out of Prison