James Woods

in Wikipedia, die vrye ensiklopedie
James Woods
'n Beeld van die betrokke persoonlikheid.
James Woods, Beverly Hills, Kalifornië op Desember 24, 2015.

Geboortenaam James Howard Woods
Geboorte 18 April 1947 (1947-04-18) (76 jaar oud)
Aktiewe jare 1970-tans

James Howard Woods (gebore op 18 April 1947) is ’n Amerikaanse akteur en rolprentvervaardiger.

Loopbaan[wysig | wysig bron]

Woods in 1992 by die Emmys.

Woods het in 36 toneelstukke gespeel voordat hy sy Broadway-debuut in 1970 gemaak het in Borstal Boy – hy het die rol gekry deur voor te gee hy is Brits. Sy eerste televisierol was in 1971 in All the Way Home en sy rolprentdebuut in 1972 in The Visitors.

Hy is veral bekend in die rol van donker karakters en skurke. Van sy prente sluit in The Onion Field (1979), Once Upon a Time in America (1984), Salvador (1986), Casino (1995), Nixon (1995), Ghosts of Mississippi (1996), Hercules (1997) en White House Down (2013). Op televisie is hy bekend vir sy spel in die reeks Shark (2006–2008).

Woods is twee keer vir ’n Oscar benoem en het ’n Golden Globe vir beste akteur (vir Promise) gewen. Hy het benewens ander pryse ook drie Emmys gewen: vir die TV-flieks Promise en My Name Is Bill W., en die animasiereeks Hercules (vir sy stemwerk as Hades).

Benewens Hercules het hy die stemme verskaf vir karakters in The Simpsons, Family Guy, Grand Theft Auto: San Andreas en Stuart Little 2.

Eksterne skakels[wysig | wysig bron]