Jeff Masemola

in Wikipedia, die vrye ensiklopedie
Jump to navigation Jump to search
Jeff Masemola
Bynaam The Tiger of Azania en Bra Jeff
Geboortenaam Jafta Kgalabi Masemola
Gebore 12 Desember 1931
Bon Accord naby Pretoria
Oorlede 17 April 1990 (op 58)
Nasionaliteit Vlag van Suid-Afrika Suid-Afrika
Alma mater Hofmeyr Secondary School, Kilnerton Training Institution
Beroep Politieke aktivis
Ander poste, ampte Onderwyser
Bekend vir Medestigter van die Pan Africanist Congress of Azania; Langsdienende politieke gevangene in die moderne geskiedenis[1]
Eerbewyse 2003: Die Orde van Luthuli (silver) ontvang van President Thabo Mbeki

Jeff Masemola (ook bekend as The Tiger of Azania en Bra Jeff) is op 12 Desember 1931 in Bon Accord naby Pretoria gebore, en het in Atteridgeville grootgeword. In 1958 sluit hy by die ANC-jeugliga aan, en in 1959 sluit hy by die Pan Africanist Congress of Azania (PAC) aan as een van die stigterslede.[2]

Masemola was in 1963 die eerste persoon wat onder apartheid lewenslank tronk toe gestuur is na Robbeneiland, nadat hy en 14 ander PAC-aktiviste aangekla is, en skuldig bevind is aan sameswering om sabotasie te pleeg. Hy word beskou as die langsdienende politieke gevangene in die moderne geskiedenis, nadat hy 26 jaar op Robbeneiland en ander gevangenisse deurgebring het, en is op 10 Oktober 1989 vrygelaat[3]

Masemole is op 17 April 1990 in 'n motorongeluk oorlede, ses maande ná sy vrylating uit die tronk. Die vragmotor wat betrokke was in die ongeluk het van die ongelukstoneel verdwyn en is nooit opgespoor nie.[3]

Straatnaam[wysig | wysig bron]

Jeff Masemola-straat (voorheen bekend as Jacob Maré-straat) in Pretoria is in 2012 na hom genoem.[4]

Verwysings[wysig | wysig bron]

  1. Robben Island Integrated Conservation Management Plan 2013–2018, pg 44”. Robben Island Museum. URL besoek op 14 Maart 2017.
  2. Jafta Kgalabi Masemola”. SA History Online. URL besoek op 14 Maart 2017.
  3. 3,0 3,1 It is 24 years since Japhta Kgalabi Masemola was killed!!”. Mayihlome News. URL besoek op 14 Maart 2017.
  4. ShowMe: Pretoria’s new street names”. URL besoek op 14 Maart 2017.