Joanne Woodward
| Joanne Woodward | |
| |
Woodward in 1960.
| |
| Geboortenaam | Joanne Gignilliat Trimmier Woodward |
|---|---|
| Geboorte | 27 Februarie 1930 Thomasville, Georgië, Verenigde State |
| Nasionaliteit | Amerikaans |
| Beroep(e) | Aktrise |
| Aktiewe jare | 1955–tans |
| Internet-rolprentdatabasis-profiel | |
Joanne Gignilliat Trimmier Woodward-Newman (gebore op 27 Februarie 1930) is ’n Amerikaanse aktrise, vervaardiger, aktivis en filantroop. Sy is waarskynlik die bekendste vir haar rol in The Three Faces of Eve (1957), waarvoor sy ’n Oscar gewen het.
Loopbaan[wysig | wysig bron]
Woodward se eerste rolprent was ’n post-burgeroorlog-western, Count Three and Pray (1955). Sy was tussen flieks ook op Broadway op die verhoog te sien, waar sy haar man, Paul Newman, met die produksie van Picnic ontmoet het.[1] Hulle is in 1958 getroud en het saam in die prent The Long, Hot Summer gespeel. Teen daardie tyd was Woodward reeds in The Three Faces of Eve (1957), waarvoor sy ’n Oscar vir beste aktrise gewen het.[1]
Sy het benewens in The Long, Hot Summer in nog nege rolprente saam met Newman verskyn, onder meer in From the Terrace (1960), Paris Blues (1961), A New Kind of Love (1963), Harry & Son (1984, met Newman as regisseur) en Mr. and Mrs. Bridge (1990). Sy het ook in vyf prente gespeel wat Newman geregisseer het, maar nie in gespeel het nie, insluitende 1972 se The Effect of Gamma Rays on Man-in-the-Moon Marigolds en 1987 se The Glass Menagerie.
Sy het in 1993 die rol van Tom Hanks se ma vertolk in Philadelphia (1993)[1] en was in dieselfde jaar die verteller van Martin Scorsese se rolprentweergawe van The Age of Innocence.
Woodward het ook gereeld op televisie verskyn, in prente soos Sybil (1976), saam met Sally Field, en Crisis at Central High (1981). In 1993 het sy die TV-weergawe van die toneelstuk Blind Spot help vervaardig en daarin gespeel. Sy is vir ’n Emmy vir beste aktrise benoem. Sy was uitvoerende vervaardiger van die 2003-TV-produksie Our Town met Newman as die verhoogbestuurder, ’n rol waarvoor hy vir ’n Emmy benoem is.
Verwysings[wysig | wysig bron]
- ↑ 1,0 1,1 1,2 "Joanne Woodward". Inside the Actors Studio (Bravo). 2003-05-11. http://www.imdb.com/title/tt0611347. No. 15, season 9.
Eksterne skakels[wysig | wysig bron]
- Joanne Woodward in die Internet-rolprentdatabasis
- Joanne Woodward by AllMovie
Wikimedia Commons het meer media in die kategorie Joanne Woodward.
Hierdie artikel is vertaal uit die Engelse Wikipedia
