Kerkstraat 30, Tulbagh
Kerkstraat 30 is 'n nasionale gedenkwaardigheid op Tulbagh in die Wes-Kaap, Suid-Afrika, en bes moontlik die geboortehuis van Henry Fagan, hoofregter van die Unie van Suid-Afrika van 1957–'59.
Die huis is laat in die 18de eeu deur Cosmus Rademan gebou. Henry Fagan, die eienaar van Kerkstraat 32, net langsaan, het Kerkstraat 30 in 1885 vir sy seun Henry Allan Fagan jr. gekoop. Vier jaar later is die latere politikus, skrywer, hoofregter en vertaler van Die Stem in Engels, Henry Fagan, bes moontlik in dié huis gebore aangesien dit nog tot 1923 in sy ouers se besit was.
'n Winkel en regspraktyk is in die Fagans se tyd uit die twee huise bedryf. Een van die seuns, Johannes, was 'n belowende komponis en nog een, Gideon, 'n dirigent van wêreldaansien en ook ’n komponis.[1]
Bronne[wysig | wysig bron]
- (en) Richardson, Deirdré. 2001. Historic sites of South Africa. Cape Town: Struik.
Verwysings[wysig | wysig bron]
- ↑ (en) SAComposers Geargiveer 31 Desember 2016 op Wayback Machine. URL besoek op 29 Julie 2016.