Kizji

in Wikipedia, die vrye ensiklopedie
Jump to navigation Jump to search
Kizji
Inheemse naam: Кижи
Die twee hoofkerke op Kizji.
Die twee hoofkerke op Kizji.
Geografie

Ligging Rusland, Onegameer
Koördinate 62°04′N 35°14′O / 62.067°N 35.233°O / 62.067; 35.233Koördinate: 62°04′N 35°14′O / 62.067°N 35.233°O / 62.067; 35.233

Oppervlakte 5 vk km

Administrasie
Vlag van Rusland Rusland
Republiek Flag of Karelia.svg Karelië

Kizji (Russies: Кижи) is ’n eiland in die Onegameer in die Republiek van Karelië in Rusland met ’n versameling houtgeboue. Dit is een van die gewildste toeriste-attraksies in Rusland en bevat die Kizji-pogost, ’n Unesco-wêrelderfenisgebied.

Die hele eiland is ’n museum van groot historiese belang met allerhande geboue soos kapelle, windmeulens, boothuise, saunas, huise en skure van hout. ’n Paar plaaslike boere en personeellede van die museum woon op die eiland.

Kizji is sowat 7 km lank en 0,5 km breed. Dit word omring deur 5 000 ander eilande, die meeste baie klein, en kan bereik word met ’n skeerboot van Petrozawodsk, passasiersboot of helikopter. Daar is geen oornaggeriewe nie.

Kizjimuseum[wysig | wysig bron]

Die Opelugmuseum Kizji is een van die oudstes in Rusland. Dit is in 1951 gestig en bevat tans altesaam 87 houtkonstruksies.

Kapel van die Aartsengel Migael.
’n Plaashuis.

Die bekendste groep geboue is die Kizji-pogost, ’n gebied binne ’n heining wat twee groot houtkerke en ’n kloktoring insluit (sien foto regs bo). Die juweel van die kompleks is die Kerk van die Verheerliking (ook bekend as die Somerkerk) met sy 22 koepels wat in 1714 gebou is. Dit is sowat 37 m hoog en een van die hoogste houtgeboue ter wêreld. Die kleiner Kerk van die Voorbidding (ook bekend as die Winterkerk) met sy 10 koepels is in 1764 gebou. Die derde struktuur binne die pogost is die kloktoring, wat in 1874 gebou is.

Sedert 1951 het die Sowjetunie houtgeboue van verskeie dele van Karelië hierheen vervoer. Die bekendste hiervan is die 16de-eeuse Sint Lasarus-kerk van die Moerom-klooster wat een van die oudste houtkerke in Rusland is (uit die tweede helfte van die 14de eeu),[1] verskeie kloktorings, meer as 20 plaashuise, meulens, skure en saunas.[2]

Buiten die geboue bevat die museum meer as 41 000 voorwerpe, wat wissel van gereedskap tot borde en meubels. Daar is sowat duisend ikone uit die 16de tot 19de eeu wat Rusland se enigste versameling "hemele" insluit. Daar is ook kerkitems soos kruise, vroeë manuskripte uit die 17de tot 19de eeu en duisende 20ste-eeuse foto's en tekeninge.[3]

Die museum voer ’n groot reeks wetenskaplike studies uit oor die geskiedenis, argeologie, ekologie, natuur en ander terreine wat met die eiland verband hou. Dit is op Kizji en in Petrozawodsk gebaseer en het ’n webportaal[4] asook ’n webkamera op die eiland. Dit publiseer ook die maandelikse koerant Kizji.[5] In die somer is daar week lange opleidingskursusse op skool- en universiteitsvlak.[6][7]

Verwysings[wysig | wysig bron]

  1. Ethnographic and open-air museums, Unesco, ble. 170–173
  2. "Kizhi" (in Russies). Groot Sowjet-ensiklopedie]].
  3. (ru) Kizhi museum: introduction
  4. Kizhi museum
  5. {ru} Kizhi-koerant
  6. (ru) Summer school for children
  7. (ru) Summer university on the island

Eksterne skakels[wysig | wysig bron]