Knoop (sterrekunde)

in Wikipedia, die vrye ensiklopedie
Jump to navigation Jump to search
Die stygende nodus is een van verskeie wentelelemente.

’n Knoop in sterrekunde is een van twee punte waar ’n wentelbaan ’n verwysingsvlak kruis waarmee dit ’n helling vorm.[1] ’n Wentelbaan sonder ’n helling, wat op die verwysingsvlak voorkom, het geen knope nie.

Verwysingsvlak[wysig | wysig bron]

Twee algemene verwysingsvlakke is:

  • Vir ’n liggaam wat om die Aarde draai: die Aarde se ewenaarvlak. In dié geval word wentelbane sonder ’n helling "ekwatoriaal" genoem.[2]
  • Vir ’n liggaam wat om die Son draai: die sonnebaanvlak. In dié geval word ’n wentelbaan sonder ’n helling "eklipties" genoem.[2]

Onderskeid[wysig | wysig bron]

As ’n verwysingsrigting van een kant van die verwysingsvlak na die ander vasgestel is, kan ’n onderskeid tussen die twee knope getref word. Vir geosentriese en heliosentriese wentelbane (om die Aarde en Son onderskeidelik) is die klimmende knoop (of "noordknoop") waar die wentelende liggaam noordwaarts deur die verwysingsvlak beweeg en die dalende knoop (of "suidknoop") waar dit suidwaarts deur die vlak beweeg.[3] In die geval van liggame buite die Sonnestelsel is die klimmende knoop die knoop waardeur die wentelende liggaam in die teenoorgestelde rigting as die waarnemer beweeg, en die dalende knoop is wanneer dit in die rigting van die waarnemer beweeg.[4], p. 137.

Die posisie van die knoop kan gebruik word as een stel parameters wat ’n wentelbaan beskryf en bekend is as "wentelelemente".

Die knooplyn is die kruising van die voorwerp se wentelvlak met die verwysingsvlak. Dit loop deur die twee knope.[2]

Simbole[wysig | wysig bron]

Die simbool van die klimmende knoop is Northnode-symbol.png (Unicode: U+260A, ☊), en die simbool van die dalende knoop is Southnode-symbol.png (Unicode: U+260B, ☋). In Middeleeuse en vroeë moderne tye is die klimmende knoop die "draak se kop" (Latyn: caput draconis) genoem en die dalende knoop die "draak se stert" (Latyn: cauda draconis).[5], p. 141; [6], p. 245. Dié terme is oorspronklik gebruik vir die tye wanneer die Maan die oënskynlike baan van die Son in die lug gekruis het.

Sien ook[wysig | wysig bron]

Verwysings[wysig | wysig bron]

  1. node”. Columbia Encyclopedia. Columbia University Press: 2004. URL besoek op 17 Mei 2007.
  2. 2,0 2,1 2,2 Darling, David. “line of nodes”. The Encyclopedia of Astrobiology, Astronomy, and Spaceflight. URL besoek op 17 Mei 2007.
  3. ascending node, entry in The Encyclopedia of Astrobiology, Astronomy, and Spaceflight, David Darling, aanlyn, besoek op 17 Mei 2007.
  4. The Binary Stars, R. G. Aitken, New York: Semi-Centennial Publications of the University of California, 1918.
  5. Survey of Islamic Astronomical Tables, E. S. Kennedy , Transactions of the American Philosophical Society, new series, 46, #2 (1956), pp. 123–177.
  6. Cyclopædia, or, An universal dictionary of arts and sciences, Ephraim Chambers, Londen: Gedruk vir J. and J. Knapton [en 18 ander], 1728, vol. 1.

Eksterne skakels[wysig | wysig bron]