Koerier

in Wikipedia, die vrye ensiklopedie
'n Mercedes Sprinter word ingespan as 'n afleweringswa vir UPS.

'n Koerier is 'n persoon of firma wat pakkette en pos aflewer. Gewoonlik word goedere wat per koerier gestuur word, vroeër afgelewer as wat dit sou in die geval van konvensionele pos. Daar word meestal van vragwaens en vliegtuie gebruik gemaak, maar in stede gebruik koeriers ook fietse en bromponies. Huurmotors word ook soms ingespan om koerierdienste te lewer.

Daar is wêreldwyd vele koerierdienste, waarvan United Parcel Service (UPS) die grootste is. In Europa is TNT NV en DHL die markleiers.

'n UPS posbus waarin pakkies geplaas kan word vir aflewering.

Bode[wysig | wysig bron]

'n Bode is 'n tipe koerier wat meestal boodskappe, briewe, dagvaardings ens. aflewer in plaas van die algemene koerier wat ook pakkies aflewer.[1] Howe in Suid-Afrika het meestal hul eie bodes en maak nie van die Suid-Afrikaanse posdiens gebruik nie.

Geskiedenis[wysig | wysig bron]

Voordat daar 'n sisteem van posbesorging bestaan het, is briewe en pakkette deur mense gestuur wat koeriers genoem kan word. Die eerste gedokumenteerde gebruik van 'n georganiseerde koerierdiens vir die stuur van briewe is in Antieke Egipte. In 2400 v.C. het die farao's koeriers gebruik om hul reëls en wette in hul gebied te versprei. Dit het ongetwyfeld 'n oorsprong in die gebruik van mondelinge oordrag gehad, en sou op bestaande infrastruktuur gebaseer wees.

Verwysings[wysig | wysig bron]

  1. Die HAT (Handwoordeboek van die Afrikaanse TaalF.F. Odendal) beskryf 'n bode as ("Iemand wat posstukke, dagvaardings aflewer")
Hierdie artikel is in sy geheel of gedeeltelik vanuit die Nederlandse Wikipedia vertaal.