Komma (lied)

in Wikipedia, die vrye ensiklopedie
Jump to navigation Jump to search

Komma is die derde ballade wat Fokofpolisiekar geskryf het. Die lied breek weg van die groep se bekende klank en die lied is afgestroop slegs na Francois van Coke se stem en ʼn klavier as enigste instrument.

Komma is deel van die album Selfmedikasie. Die album sou aanvanklik slegs tien liedjies ophê, maar nadat Johnny de Ridder voor die klavier gaan sit het tydens opnames, het Komma die lig gesien.

Op 27 Februarie 2018 is die lied vrygestel en het meer as 240 000 kyke op YouTube.

Wynand Myburgh vertel:

“Ons was besig om Selfmedikasie klaar te skryf en ons het geen planne gehad om ʼn ballade by te gooi nie. Een dag het Johnny voor die klavier gaan sit en dit was die begin van wat Komma sou word. Hunter Kennedy het die lirieke begin skryf en teen die einde van die album se opnames het ons ʼn dag opsy geskuif om rowwe idees vir hierdie klavier-gedrewe lied te finaliseer. Ons was nie te bekommerd sou dinge nie bymekaar kom vir die liedjie nie; ons sou dit net laat staan het. Dinge het uitgewerk en Komma het aan die lewe gekom. Ek dink ons is almal gelukkig met hoe dit uitgedraai het en hoe spontaan die proses was. Partykeer is hulle juwele.”

Die musiekvideo is by Kirstenbosch Botaniese Tuine verfilm en die omgewing het die lied se weerspieël. Hierdie vertoning het deel gemaak van 2018 se Summer Concert reeks. Voor hierdie optrede het die groep vier jaar gelede in 2014 saam opgetree.

Lirieke[wysig | wysig bron]

in jou gesig is ʼn sterrestelsel

ek is ʼn kind wat na die sterre kyk

as jy jou hande deur my hare vryf

in die donker

voel ek weerloos

voel ek weer klein


as die storm weer begin sanik

die berg brand

en die boom omwaai

en die vlamme aan my gordyne lek

dan skryf ek vir ons ʼn nuwe plek


want as die weer weer kom

sal dit kom om te bly

ek ken die skaamte en die kwesbaarheid

ek onthou ons het hardop gebid

en ek onthou ons het in ons skoolklere gevry


so ek skryf maar vir my ʼn wegkruipplek

Want ek weet die weer sal weer kom om te bly

maar

komma

kom maar

komma

kom maar weer

hierdie keer is ek gereed


ek sal ʼn byl in my hand hê

partykeer moet jy

iets oopbreek

ek ken van in die hoek geskop word en gil

jou teen die ruit stamp dat ons albei kraak


ek skryf maar vir my ʼn wegkruipplek

daar’s ʼn berg houtpiele wat brand in pleks van my verstand


maar

komma

kom maar

kom maar binne

weer

hierdie keer is ek gereed


in jou gesig is ʼn sterrestelsel

ek is ʼn kind wat na die sterre kyk

as jy jou hande deur my hare vryf

in die donker

voel ek weerloos

voel ek weer klein

Eksterne skakels[wysig | wysig bron]

Webwerf: https://www.fokofpolisiekar.co.za/

Facebook: https://web.facebook.com/Fokofpolisiekarband/

Twitter: https://twitter.com/Fokofband

Instagram: https://www.instagram.com/fokofpolisiekar/?hl=en

Bron[wysig | wysig bron]

  • Persverklarings en dokumente van die groep se bestuurder.