Krzysztof Penderecki

in Wikipedia, die vrye ensiklopedie
Jump to navigation Jump to search
Krzysztof Penderecki, Gdańsk, 2008
Penderecki sign.svg

Krzysztof Eugeniusz Penderecki (Pools: [ˈkʂɨʂtɔf pɛndɛˈrɛt͡skʲi]; * 23 November 1933) is 'n Poolse komponis en dirigent. Die The Guardian het hom Pole se grootste lewende komponis genoem.[1]

Van sy mees bekendste werke is Trenodie aan die slagoffers van Hiroshima, sy Simfonie No. 3, sy Sint Lukas Passie, die Poolse Mis, en Anaklasis en Utrenja. Penderecki het vier operas, agt simfonieë, en ander orkesstukke gekomponeer, asook 'n variëteit van instrumentale concertos, koorverwerkings van meestal godsdienstige tekste, en ook kamer- en instrumentale werke.

Hy is in Dębica, Pole, gebore. Penderecki het musiek studeer aan die Jagiellonian Universiteit asook die Akademie van Musiek in Krakau. Nadat hy gegradueer het aan die Akademie van Musiek het Penderecki 'n onderwyser geword by die akademie, en het hy in 1959 sy loopbaan begin gedurende die Warskou Herffees. Sy Trenodie aan die slagoffers van Hiroshima vir strykorkes en die koorwerk, die Sint Lukas Passie, het populêre lof ontvang.

Sy eerste operastuk, Die Duiwels van Loudun, was nie 'n onmiddellike sukses nie. In die begin van die 1970's het Penderecki se komposisiestyl met sy eerste vioolkonsert verander, welke werk fokus op die semitoon en die tritoon. Sy koorwerk, die Poolse Mis was geskryf in die 1980's, en Penderecki het dit uitgebrei in 1993 en 2005.

Penderecki het baie luisterryke pryse en toekennings gewen, insluitende die Kommandeur se Kruis in 1964, die Prix Italia in 1967 en 1968, die Ridderkruis van die Orde van Polonia Restituta in 1964, vyf Grammy toekennings in 1987, 1998, 2001, 2013, en 2017, die Wolfprys in Kunste in 1987 en laastens die Universiteit van Louisville Grawemeyer Toekenning vir Musiekkomposisie in 1992.[2]

Bronne[wysig | wysig bron]

  1. Michaels, Sean (23 Januarie 2012). "Jonny Greenwood reveals details of Krzysztof Penderecki collaboration". The Guardian.
  2. "1992- Krzysztof Penderecki"