Kushok Bakula Rimpochee Lughawe

in Wikipedia, die vrye ensiklopedie
Jump to navigation Jump to search
Kushok Bakula Rinpoche Lughawe

Kushok Bakula Rimpochee Lughawe is 'n lughawe in Leh, die hoofstad van Ladakh, Indië. Dit is die 22ste hoogste kommersiële lughawe ter wêreld op 3 256 meter bo gemiddelde seevlak. Die lughawe is vernoem na die 19de Kushok Bakula Rinpoche, 'n Indiese staatsman en monnik, wie se Spituk-klooster in die onmiddellike omgewing van die vliegveld geleë is.

As gevolg van lastige bergwinde in die namiddag, vlieg alle vlugte in die oggend. Die benadering is 'n uitdaging, want dit is eenrigting met hoë berge aan die oostekant van die lughawe. Lughawesekuriteit word deur Indiese leërpatrollies gelewer. Vanweë die ligging tussen die Himalajas, is die neerstryk by die lughawe Leh as een van die wêreld se mooiste benaderings aangewys.[1]

In Februarie 2016 is berig dat die Indiese Lugmag (IAF) die lughawe aan die Lughaweowerheid van Indië oorhandig het en dat laasgenoemde dit vir burgerlike doeleindes sal uitbrei.[2] Maar die verslae van die lugmag wat die hele lugbasis sou ontruim, is deur die Ministerie van Verdediging en die Leh-adjunkkommissaris van die hand gewys. Hulle het verduidelik dat die IAF slegs 'n klein deel van die basis sou ontruim vir die oprigting van 'n nuwe terminaal.[3] [4] [5]

Verwysings[wysig | wysig bron]

  1. Oscar Boyd (21 Oktober 2017), Highest Airports in the World: Landing in Leh (Air India) | 4K, https://www.youtube.com/watch?v=AFtLAzNIAQA 
  2. "IAF to vacate Leh airport, to develop base at alternate site" (in Korsikaans). 6 Februarie 2016. Geargiveer vanaf die oorspronklike op 19 Februarie 2020.
  3. "No plans to vacate Leh air base: IAF" (in Engels). 9 Februarie 2016. Geargiveer vanaf die oorspronklike op 1 Julie 2018.
  4. "New terminal to be built at Leh airport for Rs 2 billion" (in Engels). 21 Julie 2016. Geargiveer vanaf die oorspronklike op 4 Maart 2020.
  5. "Leh airport on expansion mode as Air Force gives 11 acres to AAI" (in Engels). 1 Augustus 2017. Geargiveer vanaf die oorspronklike op 1 Julie 2018.

Eksterne skakels[wysig | wysig bron]