Lilangeni

in Wikipedia, die vrye ensiklopedie
Verskeie Swazimunte

Die lilangeni is die geldeenheid van Eswatini (voorheen Swaziland). Een lilangeni is 'n honderd cents. Munte in sirkulasie is: 1, 2, 5, 10, 20, 50, 100, 200 en 500 cents. Die papiergeld is beskikbaar in 10, 20, 50, 100 en 200 emalangeni (mv.).[1]

Geskiedenis[wysig | wysig bron]

Dit is in 1974 bekendgestel op gelyke koers teen die Suid-Afrikaanse rand deur die Gemeenskaplike Monetêre Gebied, wat dit steeds anker op 'n een-tot-een-wisselkoers.

Munte[wysig | wysig bron]

In 1974 is muntstukke vir 1, 2, 5, 10, 20 en 50 sent en 1 lilangeni bekendgestel, met die 1 en 2 sent in brons en die ander in nikkel-koper gemunt. Behalwe vir die 1 lilangeni, is die munte nie rond nie, met die 1 en 50 sent twaalfkantig, die 2 sent vierkantig met geronde hoeke en die 5, 10 en 20 sent geskulp.

Die nikkel-koper L1 munte is presies dieselfde dimensies en samestelling as die Britse £ 1 munte wat drie jaar vroeër ingestel is. As inag geneem word dat 1 lilangeni se waarde sowat £ 0,09 (2010) is, kan die Swazimunte bedrieglik gebruik word in Britse outomaatmasjiene.[2]

Banknote[wysig | wysig bron]

Op 6 September 1974 het die Monetêre Owerheid van Eswatini banknote ingestel in denominasies van 1 lilangeni, 2, 5 en 10 emalangeni met 20 emalangeni note wat gevolg het in 1978.[3] In 1981 het die Sentrale Bank van Eswatini papiergeldproduksie oorgeneem, met die eerste uitreiking van note ter viering van die diamandjubilee van koning Sobhuza II. Tussen 1982 en 1985 is nie-herdenkingsnote vir E2, E5, E10 en E20 uitgereik, met 50 emalangeni note in 1990.

Die E2 en E5 note is vervang deur muntstukke in 1995, terwyl 100 en 200 emalangeni note ingestel is in 1996 en 1998, onderskeidelik, met die E200 note ter viering van die 30ste herdenking van onafhanklikheid. Op 5 September 2008 het die Sentrale Bank van Eswatini 100 en 200-emalangeni note uitgereik ter viering van die 40ste verjaardag van koning Mswati III en die 40ste herdenking van onafhanklikheid.[4]

Op 1 November 2010 het die Sentrale Bank van Eswatini 'n nuwe reeks banknote uitgereik met verbeterde sekuriteitskenmerke.[5][6]

Sien ook[wysig | wysig bron]

Verwysings[wysig | wysig bron]

  1. "Swaziland" (in Engels). Banknotenews.com. 7 Augustus 2017. Geargiveer vanaf die oorspronklike op 16 Julie 2019. Besoek op 31 Desember 2017.
  2. Your counterfeit £1 coin questions answered The Guardian. URL besoek op 6 April 2012.
  3. Linzmayer, Owen (2012). "Swaziland". The Banknote Book. San Francisco, CA: www.BanknoteNews.com.
  4. Swaziland issues new 100- and 200-emalangeni notes Geargiveer 6 Oktober 2012 op Wayback Machine BanknoteNews.com. URL besoek op 31 Maart 2012.
  5. Swaziland new 100- and 200-emalangeni confirmed Geargiveer 7 Oktober 2012 op Wayback Machine BanknoteNews.com URL besoek op 31 Maart 2012.
  6. Swaziland new 10-, 20-, and 50-emalangeni notes confirmed Geargiveer 7 Oktober 2012 op Wayback Machine BanknoteNews.com. URL besoek op 31 Maart 2012.

Eksterne skakels[wysig | wysig bron]