Lindy Wilson
| Lindy Wilson | |
Lid van die Limpopo provinsiale wetgewer
| |
| Ampsbekleër | |
| Termynaanvang 4 Augustus 2023 | |
| Voorafgegaan deur | Désirée van der Walt |
|---|---|
Provinsiale Leier van die Demokratiese Alliansie in Limpopo
| |
| Ampsbekleër | |
| Termynaanvang 27 Mei 2023 | |
| Vise | Marie Helm |
| Voorafgegaan deur | Jacques Smalle |
Skadu-adjunkminister van Gesondheid
| |
| Ampstermyn 5 Junie 2019 – 31 Julie 2023 | |
| Leier | John Steenhuisen Mmusi Maimane |
| Voorafgegaan deur | Lungiswa James |
Skadu-adjunkminister van Maatskaplike Ontwikkeling
| |
| Ampstermyn 5 Junie 2014 – 5 Junie 2019 | |
| Leier | Mmusi Maimane |
| Voorafgegaan deur | Emmah More |
| Opgevolg deur | Thandi Mpambo-Sibhukwana |
Lid van die Nasionale Vergadering van Suid-Afrika
| |
| Ampstermyn 21 Mei 2014 – 31 Julie 2023 | |
Persoonlike besonderhede
| |
| Gebore | 6 Maart 1961 |
| Nasionaliteit |  Suid-Afrika
|
| Politieke party | Demokratiese Alliansie |
| Eggenoot/-note | Brian |
| Kind(ers) | 5 |
Evelyn Rayne "Lindy" Wilson (gebore 6 Maart 1961) is 'n Suid-Afrikaanse politikus wat sedert Augustus 2023 'n lid van die Limpopo provinsiale wetgewer, waar sy die Demokratiese Alliansie verteenwoordig. Wilson is in Mei 2023 as die provinsiale leier van die DA verkies. Wilson was voorheen 'n raadslid in die Polokwane Plaaslike Munisipaliteit, 'n DA-parlementslid, die DA se skadu-adjunkminister van maatskaplike ontwikkeling asook die DA se skadu-adjunkminister van gesondheid.
Biografie
[wysig | wysig bron]Wilson het as 'n advertensiebestuurder by Northern Media Group gewerk voordat sy 'n spysenierings- en gebeurtenisbestuuronderneming en 'n advertensie- en bemarkingsonderneming begin het.[1] Sy het ook as die voorsitter van die Suid-Afrikaanse Nasionale Raad vir Alkoholisme en Dwelmafhanklikheid (Sanca) in Limpopo gedien.[2]
Politieke loopbaan
[wysig | wysig bron]In 2010 is Wilson as die Demokratiese Alliansie se bedryfsbestuurder in die Mopani-distrik aangestel.[3] Sy was die DA-kandidaat in 'n tussenverkiesing in wyk 20 in die Polokwane Plaaslike Munisipaliteit in Februarie 2012 en het die setel van die African National Congress verower.[4] Later daardie selfde jaar is sy tot provinsiale voorsitter van die DA verkies.[3]
Wilson was die DA se provinsiale veldtogbestuurder vir die algemene verkiesing van 2014, wat meegebring het dat die party meer as 95 000 stemme in die provinsie en drie setels in die provinsiale wetgewer verower het.[3] Sy is in die verkiesing tot die Nasionale Vergadering van Suid-Afrika verkies.[1] Wilson is kort daarna as die DA se skadu-adjunkminister van maatskaplike ontwikkeling aangewys.[5]
Tydens die DA se provinsiale konferensie in 2017, is Wilson verkies as een van twee adjunk-provinsiale voorsitters van die party.[6] Sy is in 2018 as hoof van die DA se Waterberg-Suid-kiesafdeling aangewys.[3]
Wilson is in 2019 tot die Nasionale Vergadering herverkies. Sy is daarna as die DA se skadu-adjunkminister van gesondheid aangestel.[7]
Jacques Smalle, die provinsiale leier van die DA, is in April 2021 daarvan beskuldig dat hy 'n blinde oog teenoor bewerings dat Wilson partyfondse misbruik het, gedraai het. Wilson het op die beskuldigings gereageer deur te sê dat dit ondersoek is en dat geen aanklagte deur die party teen haar gelê is nie.[8]
Op 27 Mei 2023 is Wilson tot provinsiale leier van die DA in Limpopo verkies. Sy het vier ander kandidate vir die amp verslaan. Sy het vir Smalle opgevolg, wat op sy beurt tot provinsiale voorsitter verkies is.[9][10][11]
Wilson is op 4 Augustus 2023 as 'n lid van die Limpopo provinsiale wetgewer ingehuldig nadat sy as 'n parlementslid bedank het.[12]
Verwysings
[wysig | wysig bron]- ↑ 1,0 1,1 Erasmus, Nielie (1 Julie 2014). "Lindy Wilson now member of parliament". Review (in Engels (VSA)). Besoek op 17 Julie 2023.
- ↑ Sekhwela, Koketso (2 Junie 2023). "Lindy Wilson elected as the provincial leader for the DA in Limpopo". Review (in Engels (VSA)). Besoek op 17 Julie 2023.
- ↑ 3,0 3,1 3,2 3,3 "New constituency head for Waterberg South". Die Pos (in Engels (VSA)). 31 Mei 2018. Besoek op 17 Julie 2023.
- ↑ "Results of the municipal by-elections | South African Government". www.gov.za. Besoek op 17 Julie 2023.
- ↑ "The DA`s shadow cabinet - Mmusi Maimane - POLITICS | Politicsweb". www.politicsweb.co.za (in Engels). Besoek op 17 Julie 2023.
- ↑ raeesakimmie (21 Oktober 2017). "BREAKING NEWS: Jacques Smalle re-elected as DA Provincial Leader". Review (in Engels (VSA)). Besoek op 17 Julie 2023.
- ↑ Gerber, Jan. "Here's the DA's 'shadow cabinet'". News24 (in Engels (VSA)). Besoek op 17 Julie 2023.
- ↑ Sadike, Mashudu (6 April 2021). "More woes for embattled DA Limpopo leader Jacques Smalle". Independent Online. Besoek op 17 Julie 2023.
- ↑ Khumalo, Juniour. "Five candidates put their hands up for Limpopo DA leader position as party holds elective congress". News24 (in Engels (VSA)). Besoek op 17 Julie 2023.
- ↑ "ANC should not be underestimated for 2024 elections: Steenhuisen". SABC News (in Engels (VSA)). 28 Mei 2023. Besoek op 17 Julie 2023.
- ↑ "DA-party elects new provincial leaders". Die Pos (in Engels (VSA)). 6 Junie 2023. Besoek op 17 Julie 2023.
- ↑ @dalimlegis (4 Augustus 2023). "The swearing-in ceremony of the new member of the DA in the Provincial Legislature; Hon. Evelyn Rayne Wilson. Speaker of the Limpopo Legislature, Hon. Rosemary Molapo presided over the swearing in ceremony" (Tweet). Besoek op 29 Augustus 2023 – via Twitter.
Notas
[wysig | wysig bron]| Hierdie artikel is in sy geheel of gedeeltelik vanuit die Engelse Wikipedia vertaal. |
