John Steenhuisen
| John Steenhuisen | |
 | |
Adjunkminister van Handel, Nywerheid en Mededinging | |
| Ampsbekleër | |
| Termynaanvang 1 Julie 2026 | |
| President | Cyril Ramaphosa |
|---|---|
| Voorafgegaan deur | Alexandra Abrahams |
Minister van Landbou | |
| Ampstermyn 3 Julie 2024 – 30 Junie 2026 | |
| President | Cyril Ramaphosa |
| Voorafgegaan deur | Thoko Didiza |
| Opgevolg deur | Willie Aucamp |
Leier van die Opposisie in die Nasionale Vergadering | |
| Ampstermyn 27 Oktober 2019 – 14 Junie 2024 | |
| Voorafgegaan deur | Annelie Lotriet (wnd) Mmusi Maimane |
| Opgevolg deur | John Hlophe |
Federale Leier van die Demokratiese Alliansie | |
| Ampstermyn 1 November 2020 – 12 April 2026 | |
| Voorafgegaan deur | Mmusi Maimane |
| Opgevolg deur | Geordin Hill-Lewis |
Hoofsweep van die Amptelike Opposisie | |
| Ampstermyn 29 Mei 2014 – 24 Oktober 2019 | |
| Vise | Jacques Julius Mike Waters |
| Voorafgegaan deur | Watty Watson |
| Opgevolg deur | Jacques Julius (wmd) Natasha Mazzone |
Persoonlike besonderhede | |
| Gebore | 25 Maart 1976 Durban |
| Politieke party | Demokratiese Alliansie |
| Eggenoot/-note |
|
| Kind(ers) | 3 |
| Alma mater | Northwood Boys High School |
| Handtekening |  |
John Henry Steenhuisen (gebore 25 Maart 1976, Durban) is 'n Suid-Afrikaanse politikus wat sedert 1 Julie 2026 as Adjunkminister van Handel, Nywerheid en Mededinging dien. Hy was voorheen (van 3 Julie 2024 tot 30 Junie 2026) die Minister van Landbou in die Kabinet van president Cyril Ramaphosa.
Hy het as die twintigste leier van die Opposisie gedien van Oktober 2019 tot Junie 2024 (tot die DA se toetrede tot die regering van nasionale eenheid na die Suid-Afrikaanse algemene verkiesing van 2024). Hy is sedert November 2020 die leier van die Demokratiese Alliansie, nadat hy vanaf November 2019 vir een jaar as die tussentydse leier gedien het. Hy was hoofsweep van die amptelike opposisie vanaf Mei 2014 tot Oktober 2019. Op 4 Februarie 2026 het Steenhuisen verklaar dat hy nie vir herverkiesing as die DA se leier in April 2026 sal staan nie. Die DA sal dus ‘n nuwe leier vir die munisipale verkiesing in 2026 verkies, maar hy behou sy pos as minister.[1]
Hy het voorheen as die hoofsweep onder die leierskap van Mmusi Maimane gedien. Steenhuisen het 'n lid van die parlement in Julie 2011 geword. Voor dit was hy betrokke in die politiek van KwaZulu-Natal waar hy as die provinsiale leier van die DA en lid van KwaZulu-Natalse Provinsiale Wetgewer gedien het. Hy was ook 'n stadsraadslid in die eThekwini Metropolitaanse Munisipaliteit. Hy is op 2 April 2023 vir nog 'n termyn as partyleier herkies, wat sy laaste sou wees.[2]
Vroeë lewe en opvoeding
[wysig | wysig bron]Steenhuisen is op 25 Maart 1976 in Durban gebore. Hy het in 1993 aan die Northwood Boys High School, 'n Engelsmedium sekondêre skool in Durban, gematrikuleer. Hy het nie by 'n tersiêre instelling studeer nie.[3]
Politieke loopbaan
[wysig | wysig bron]Steenhuisen het by die Demokratiese Party (DP), die voorganger van die DA, as 'n aktivis aangesluit voor hy lid van 'n tak geword het.[4]
Op die ouderdom van 22 in 1999 is hy as 'n lid van die destydse stadsraad van Durban verkies en het gevolglik een van die jongste raadslede geword. Hy het in 2006 die leier van die DA-koukus geword. Hy het in die uitvoerende raad van die stadsraad gedien.[5]
Steenhuisen het in Mei 2009 'n lid van die KwaZulu-Natalse Provinsiale Wetgewer geword en is ook as die party se koukusleier aangestel. In Oktober 2009 word hy tot provinsiale leier van die DA verkies. Hy het die pos van provinsiale leier tot Oktober 2010 gehou toe hy bedank het, te midde die onthulling van ontrouheid in sy huwelik.[6] Hy het as 'n lid van die wetgewer gedien totdat hy in Julie 2011 na die Nasionale Vergadering geskuif het. Hy het poste met DA-LP Mark Steele geruil.[7]
In die Nasionale Vergadering was hy 'n lid van die Gesamentlike Staande Komitee vir die Finansiële Bestuur. Hy is tans 'n lid van die Reëlskomitee. Hy het ook as die DA se skaduminister van samewerkende regering en tradisionele sake gedien.[5]
In Mei 2014 is hy as die hoofsweep van die amptelike opposisie aangewys. Hy het die amp tot Oktober 2019 beklee toe Mmusi Maimane uit die DA en die parlement bedank het.[8] Hy het sy kandidatuur as leier van die opposisie aangekondig en hy is op 27 Oktober 2019 onbestrede verkies. Steenhuisen verklaar hierna sy kandidatuur vir die pos van tussentydse leier van die DA. Hy wen die verkiesing vir die leierskap op 17 November 2019 deur Makashule Gana te verslaan.[9]
Op 1 November 2020 is Steenhuisen as die nuwe federale leier van die Demokratiese Alliansie aangewys. Hy het die KwaZulu-Natalse LPW Mbali Ntuli geklop nadat hy sowat 80% van die afgevaardigdes se steun ontvang het.[10] Hy is in 2023 herkies tot 'n tweede termyn as DA-leier.[11]
Minister van Landbou
[wysig | wysig bron]
Nadat die African National Congress (ANC) hul meerderheid in die Nasionale Vergadering tydens die 2024 algemene verkiesing verloor het, het die DA en ander kleiner partye 'n koalisie genaamd die "Regering van Nasionale Eenheid" met die ANC gevorm.[12] Steenhuisen is toe as minister van landbou deur president Cyril Ramaphosa aangewys.[13]
In Mei 2025 was Steenhuisen deel van Ramaphosa se afvaardiging wat die Withuis in Washington, D.C. besoek het om die verhouding tussen die Verenigde State en Suid-Afrika te probeer herstel. Nadat die Amerikaanse president Donald Trump 'n video gewys het waarin die Economic Freedom Fighters (EFF)-leier Julius Malema "Skiet die Boer" sing, het Steenhuisen verduidelik dat Malema se party, die EFF, nie deel van die regerende koalisie is nie en die rede hoekom die DA met die ANC 'n koalisie gevorm het, was om die EFF en uMkhonto weSizwe (MK) uit die regering te sluit.[14]
Persoonlike lewe
[wysig | wysig bron]Steenhuisen is vlot in Engels sowel as Afrikaans. Hy woon tans in Umhlanga, KwaZulu-Natal en is 'n ondersteuner van die Sharks-rugbyunie en die AmaZulu FC-sokkerklub.[5]
Hy was tien jaar lank met Julie Steenhuisen getroud voordat hy hul egskeiding in Oktober 2010 aangekondig het, te midde van openbare onthullings van sy voortslepende verhouding met Terry Kass Beaumont, die DA se provinsiale woordvoerder en vrou van Michael Beaumont, die DA se provinsiale direkteur.[15]
Steenhuisen het twee dogters uit sy huwelik met Julie. Hy is later met Terry getroud en hulle het saam 'n dogter.[5]
Verwysings
[wysig | wysig bron]- ↑ "'Mission accomplished' for Steenhuisen as he bows out of DA leadership contest". News24. 4 Februarie 2026. Besoek op 7 Februarie 2026.
- ↑ "En Afrique du Sud, John Steenhuisen agite le chiffon Julius Malema - Jeune Afrique.com". JeuneAfrique.com (in Frans). Besoek op 4 Maart 2025.
- ↑ Mtshali, Samkelo (29 Oktober 2019). "John Steenhuisen's lack of post-matric qualification back in spotlight]". IOL (in Engels). Geargiveer vanaf die oorspronklike op 12 Desember 2019. Besoek op 19 Desember 2019.
- ↑ Swana, Annelisa (16 November 2019). "Steenhuisen has a plan as he guns for DA's top spot". DispatchLIVE (in Engels). Geargiveer vanaf die oorspronklike op 16 November 2019. Besoek op 19 Desember 2019.
- 1 2 3 4 "John Steenhuisen biography: age, wife, education, qualification, DA, Twitter, and SONA 2019". Briefly. Geargiveer vanaf die oorspronklike op 17 Augustus 2019. Besoek op 19 Desember 2019.
- ↑ Changes in KZN DA leadership Geargiveer 19 Desember 2019 op Wayback Machine, News24, 19 Oktober 2010. Besoek 19 Desember 2019
- ↑ "DA caucus leader moves to Cape". Geargiveer vanaf die oorspronklike op 5 Oktober 2017. Besoek op 19 Desember 2019.
- ↑ Mahlati, Zintle (24 Oktober 2019). "John Steenhuisen to no longer serve as DA chief whip in Parliament". IOL. Besoek op 19 Desember 2019.
- ↑ "DA se tussentydse leiers aangewys". Maroela Media. 17 November 2019. Geargiveer vanaf die oorspronklike op 19 Desember 2019. Besoek op 19 Desember 2019.
- ↑ Rupiah, Kiri (1 November 2020). "With 79% of votes, Steenhuisen is elected DA leader". Geargiveer vanaf die oorspronklike op 6 Oktober 2024. Besoek op 4 Maart 2025.
- ↑ https://www.businesslive.co.za/bd/politics/2023-04-02-breaking-news-da-re-elects-john-steenhuisen-as-federal-leader-by-a-landslide
- ↑ https://www.bbc.com/news/articles/c8007w4vqveo
- ↑ https://www.cnbcafrica.com/2024/south-africas-ramaphosa-appoints-das-steenhuisen-as-agriculture-minister/
- ↑ https://www.ewn.co.za/2025/05/21/john-steenhuisen-corrects-trump-s-white-genocide-claims
- ↑ (in Engels) DA leader quits over sex scandal Geargiveer 19 Desember 2019 op Wayback Machine, News24, 24 Oktober 2010. Besoek 19 Desember 2019.
Eksterne skakels
[wysig | wysig bron]- John Steenhuisen op X
- "John Henry Steenhuisen". People's Assembly. Besoek op 7 Julie 2018.
Wikimedia Commons het meer media in die kategorie John Steenhuisen.
