Litostratigrafie

in Wikipedia, die vrye ensiklopedie
Spring na: navigasie, soek
’n Voorbeeld van ’n litostratigrafiese kolom, waarop die dikte en eienskappe van rotslae vasgestel kan word.
Strata in Salta (Argentinië)

Litostratigrafie is ’n vakgebied binne die stratigrafie en geologie waarin die volgorde van rotslae bestudeer word. Die doel is die opstel van litostratigrafiese kolomme waarin die dikte en eienskappe van rotslae vasgestel kan word.

In teenstelling met chronostratigrafie, waar die chronologiese volgorde van gesteentes bepaal word, gaan dit in litostratigrafie om die eienskappe van rotslae soos dit op ’n bepaalde plek aangetref word. Omdat die dikte in die lae van streek tot streek kan verskil of die materiale van die lae van plek tot plek kan verskil, is litostratigrafie per definisie ’n vorm van streeksgeologie.