Long John Silver

in Wikipedia, die vrye ensiklopedie
Jump to navigation Jump to search
John Silver
’n Beeld van die betrokke karakter.
Long John Silver en Jim Hawkins in The Hostage. Illustrasie deur N.C. Wyeth, 1911.

Skepping
Eerste verskyning Treasure Island
Geskep deur Robert Louis Stevenson
Uitgebeeld deur Charles Ogle
Wallace Beery
Robert Newton
Orson Welles
Tim Curry
Jack Palance
Lance Henriksen
Stem Jim Cummings
Lance Henriksen
Verskeie ander
Inligting
Byname Barbeque, Long John, Jack
Spesie Mens
Geslag Manlik
Beroep Hoofkok
Kwartiermeester
Seerower
Nasionaliteit Engels

Long John Silver is ’n fiktiewe karakter en die hoofantagonis in die roman Treasure Island (1883) deur Robert Louis Stevenson. Hy is die kleurrykste en mees komplekse karakter in die boek en maak nog sy verskyning in moderne kultuur. Veral sy af been en papegaai het grootliks bygedra tot moderne uitbeeldings van seerowers.

Profiel[wysig | wysig bron]

Long John Silver is ’n geslepe en opportunistiese seerower wat kwartiermeester was onder die berugte kaptein Flint. Stevenson se uitbeelding van Silver het die moderne beeld van seerowers grootliks beïnvloed.[1]

Silver het ’n papegaai, genoem na kaptein Flint,[2] wat gewoonlik op sy skouer sit en klets met bekende seerowersfrases. Silver gebruik die papegaai om Jim Hawkins, die boek se protagonis en verteller, se vertroue te wen deur vir hom opwindende verhale van die voël te vertel.[3]

Sy been is naby die heup afgesit en hy steun op ’n kruk, wat hy baie flink hanteer. Hy is lank en sterk, met ’n gesig so groot soos ’n stuk ham – eenvoudig en bleek, maar intelligent en glimlaggend.[4] Soos baie van Stevenson se karakters is daar ’n tweeledigheid in sy karakter: Silver is blykbaar ’n hardwerkende en aangename seeman, en dit is eers later in die storielyn dat sy skurkagtige aard geleidelik onthul word. Sy verhouding met Jim weerspreek daardie tweeledigheid, want hy dien as ’n mentor en eindelik vaderfiguur vir Jim. Dit skep groot skok en emosie wanneer ontdek word hy is in beheer van die muitery, veral wanneer Jim hom later moet konfronteer en teen hom moet veg.

Volgens Stevenson se briewe is die idee van Long John Silver geïnspireer deur ’n werklike vriend, William Henley, ’n skrywer en redakteur.[5]

Verwysings[wysig | wysig bron]

  1. Karg, Barbara; Spaite, Arjean (2007). The Everything Pirates Book: A Swashbuckling History of Adventure on the High Seas. Avon, MA: Adams Media. ISBN 9781598692556, bl. 220.
  2. Stevenson (1883), "The Voyage" [Hoofstuk 10], pp. 80f.
  3. "Treasure Island by Robert Louis Stevenson". Project Gutenberg. p. Hoofstuk 10. Geargiveer vanaf die oorspronklike op 2007-05-27.
  4. Stevenson, Robert Louis (1883). Treasure Island. Cassell & Company. Geargiveer vanaf die oorspronklike op 20 Junie 2017. Besoek op 21 Februarie 2017. bl. 82
  5. Prince, Alison (1994). Kenneth Grahame: An Innocent in the Wild Wood. Londen: Allison & Busby. ISBN 9780850318296, bl. 78.

Skakels[wysig | wysig bron]