Loretta Lynn

in Wikipedia, die vrye ensiklopedie
Jump to navigation Jump to search
Loretta Lynn
Loretta Lynn SXSW 2016 -8842 (33197871691).jpg
Lynn in 2016 tydens 'n optrede
Agtergrondinligting
GeboortenaamLoretta Webb
Gebore14 April 1932 (1932-04-14) (89 jaar oud) [1]
Butcher Hollow, Kentucky, Verenigde State
Genres
  • Countrymusiek
  • honky-tonk
  • Americana
  • gospelmusiek
Beroep(e)
  • Sanger-liedjieskrywer
Instrumente
  • stem
  • kitaar
Jare aktief1960–tans
Etikette
  • Zero Records
  • Decca Records
  • MCA Records
  • Columbia Records
  • Third Man Records
  • Audium
  • Interscope Records
  • Legacy Recordings
Assosiasies
Webwerfwww.lorettalynn.com

Loretta Lynn (gebore 14 April 1932) is ’n Amerikaanse countrysangeres.

Lynn is gebore as Loretta Webb in Butcher Hollow, Kentucky, as die oudste dogter van ’n steenkoolmyner. Op 10 Januarie 1948 is die 15-jarige Loretta met Oliver Vanetta (Doolittle) Lynn getroud nadat hulle mekaar ’n maand geken het.

Toe sy sewe maande swanger was met die eerste van hul ses kinders het die jong egpaar na die bosbougemeenskap Custer in die deelstaat Washington verhuis. Die vreugde en hartseer van die eerste jare van hul huwelikslewe het van die liedjies geïnspireer wat Loretta gekomponeer het.

Doolittle het in 1953 vir haar ’n kitaar van $17 gekoop, waarop sy haarself leer speel het. In die daaropvolgende drie jaar het sy haar kitaarspel algaande verbeter en met Doolittle se aanmoediging ’n orkes, Loretta and the Trailblazers, saam met een van haar broers begin. In Februarie 1960 is “I’m a Honky Tonky Girl”, haar heel eerste plaat, uitgereik. In die sestigerjare het sy deel van die musiektoneel in Nashville, Tennessee, geword en in 1967 die eerste van 16 no. 1-treffers gehad.

Loretta het haar toegespits op vrouekwessies soos ontroue mans. Sy het die grense van die konserwatiewe genre van countrymusiek verskuif deur oor onder meer geboortebeperking, herhaalde geboortes, dubbele standaarde vir mans en vroue, en weduweeskap weens die Viëtnamoorlog te sing.

Countrymusiek-radiostasies het gereeld geweier om haar musiek te speel en altesaam nege van haar liedjies verbied, maar Loretta het volhard en eindelik een van countrymusiek se groot legendes geword.

Haar blitsverkoper-outobiografie van 1976, Coal Miner's Daughter, is omskep in ’n Oscar-bekroonde fliek van 1980 met Sissy Spacek en Tommy Lee Jones in die hoofrolle. Pres. Barack Obama het haar in 2013 met die Presidential Medal of Freedom vereer, een van die twee hoogste burgerlike eerbewys in die VSA.

Verwysings[wysig | wysig bron]

  1. "Loretta Lynn". britannica.com. Besoek op 12 November 2020. Although she claimed 1935 as her birth year, various official documents indicate that she was born in 1932