Sissy Spacek

in Wikipedia, die vrye ensiklopedie
Sissy Spacek
'n Beeld van die betrokke persoonlikheid.
Spacek in Augustus 2011 toe sy haar ster op die Hollywood Walk of Fame gekry het.

Geboortenaam Mary Elizabeth Spacek
Geboorte 25 Desember 1949 (1949-12-25) (74 jaar oud)
Quitman, Texas, Verenigde State
Nasionaliteit Amerikaans
Beroep(e) Aktrise
Aktiewe jare 1970-tans

Mary Elizabeth "Sissy" Spacek (gebore op 25 Desember 1949) is ’n Amerikaanse aktrise en sangeres. Sy het ’n Oscar en drie Golden Globes gewen.

Loopbaan[wysig | wysig bron]

Spacek het haar loopbaan in die vroeë 1970's begin en eerste internasionaal aandag getrek in Badlands (1973). Haar groot deurbraak was egter in 1976 in die titelrol van Brian de Palma se ikoniese riller Carrie, wat op die eerste roman van Stephen King gegrond is. Sy is vir haar spel vir ’n Oscar benoem. Sy het die Oscar vir beste aktrise gewen vir haar vertolking van die countryster Loretta Lynn in die 1980-prent Coal Miner's Daughter, waarin sy ook sing. Volgens die bekroonde resensent Roger Ebert was Spacek se spel die rede vir die prent se sukses.[1] Spacek is ook vir ’n Grammy benoem vir die liedjie "Coal Miner's Daughter" op die prent se klankbaan. Sy het nog Oscar-benoemings gekry vir Missing (1982), The River (1984) en Crimes of the Heart (1986, saam met Diane Keaton en Jessica Lange),[2] en Golden Globes gewen vir beste aktrise vir Coal Miner's Daughter en Crimes of the Heart.

Sy het haar sesde Oscar-benoeming in 2001 gekry vir In the Bedroom, waarvoor sy ook haar derde Golden Globe gewen het. Ander prente sluit in 3 Women (1977), Raggedy Man (1981), JFK (1991), Affliction (1997), The Straight Story (1999), Nine Lives (2005) en The Help (2011).

Verwysings[wysig | wysig bron]

  1. Ebert, Roger (1 Januarie 1980). "Coal Miner's Daughter". Chicago Sun-Times (in Engels). Geargiveer vanaf die oorspronklike op 21 Januarie 2013. Besoek op 18 Junie 2008.
  2. Uit Inside the Actors Studio, 2002

Eksterne skakels[wysig | wysig bron]