Louis van Rensburg

in Wikipedia, die vrye ensiklopedie
Jump to navigation Jump to search
Louis van Rensburg
Louis van Rensburg1.jpg
Geboorte31 Julie 1944
Afsterwe9 September 2012 (op 68)
Johannesburg
Beroep(e)Sanger, komponis, liedjieskrywer
Genre(s)Ligte musiek, jazz
Instrument(e)Stem, mondfluitjie, kitaar
Aktiewe jare1973–2012
Webwerflouisvanrensburg.co.za
Portal.svg Musiekportaal

Louis van Rensburg (* 31 Julie 1944 – † 9 September 2012) was ’n Afrikaanse sanger, komponis en liedjieskrywer. Hy het bekendheid verwerf met sy musiek vir die TV-reeks Ballade vir 'n enkeling, waaronder die liedjie "Voshaarnooi". Hy het ook klankbane vir verskeie ander TV-reekse soos Bart Nel, Bosveldwinkel, Wielie-Walie, Geknelde land, Meester en Arende geskryf. Meer onlangs het hy die temamusiek vir die sepie 7de Laan geskryf.[1]

Van Rensburg is op die ouderdom van 68 oorlede nadat hy ’n maand vantevore in die Garden City-kliniek in Johannesburg met longontsteking opgeneem is.[2] Hy laat sy vrou, Rita en twee seuns, Louis en Jacques agter.

Albums[wysig | wysig bron]

Van Rensburg se albums:[3]

  • Solus Sewe (1973)
  • Diverse Opnames (1974–1994)
  • Ek ken ’n Melodietjie (1975)
  • Ek en my Nooientjie (1976)
  • Bosveldwinkel (1980)
  • Katvoet (1981)
  • Bosveldhotel, die moevie (1982)
  • Windharp teen die tyd (1983)
  • Oom Lewies se Bosveldmusiek (1985)
  • Ballade vir ’n Enkeling (1986)
  • Voshaarnooi(1987)
  • My Musiek (1992)
  • Ballade vir ’n Enkeling 2 (1993)
  • Arende – Transkripsie (1994)
  • Arende – Select (1994)
  • Endangered Species (1995)
  • Jy mag maar (1999)
  • 7de Laan (2000)
  • Tuiskoms (2012)

Hy het ’n SAMA-toekenning vir sy album Jy mag maar ingepalm.

Liedjies[wysig | wysig bron]

Van sy bekendste liedjies is Voshaarnooi, Op My Ou Ramkietjie en Bella Boklam.

Ballade vir 'n Enkeling Voshaarnooi

Die woorde van Richard van der Westhuizen se liedjie Ballade vir 'n Enkeling lui as volg: (Louis en Richard het saamgewerk aan die klankbaan van die reeks.)[4]

Vreemde nag
Skarlaken nag
Koerantpapiere,
baksteenmure
Neon nag
Sirenes onder 'n donker maan
Nag na nag
mens na mens
Donker nagte, onverwagte
Skadufigure
En elkeen is uiteindelik
Enkeling, vreemdeling, verstoteling
Rug gedraai op die ligtekring
Agterstevoor, onderstebo
Vreemdeling, enkeling, alleen
Dag na dag
Staat na straat
Kaart na kaart
mens na mens
Nag na nag
Dans na dans is elkeen 'n enkeling
Vreemde nag
Skarlaken nag
Koerantpapiere,
baksteenmure
Neon nag
Sirenes onder 'n donker maan

Die woorde van Voshaarnooi, sy toonsetting van Boerneef se gedig:[5]

Bantam hom so en flennie die snare
Ek is verlief op die kind
Die son slaan vuur uit die sweetvoshare
Ek is verlief op die kind
Hoor jy meisie met die sweetvoshare
verstaan jy die praat van die ramkie snare
Ek is verlief op jou kind
Lappa lei vir Bella koud, in Waboomskloof se geelbossies
Lappa maak vir Bella stout,
Met Hanepoot se natrossies
Donkerrooi die wingerdblaar en warmrooi die mond van haar
My hart blom wit vir die voshaarnooi
Pluk heide van die rooiste rooi
Vir hierdie einste voshaarnooi
Bellabint my meisiekind, dis hartblom wit, dis heiderooi
Bellabint my meisiekind, dis hartblom wit, dis heiderooi
Vir jou my voshaar meisiekind

Kyk ook[wysig | wysig bron]

Verwysings[wysig | wysig bron]

  1. Bekende Afrikaanse sanger-liedjieskrywer sterf, Nuus24, 10 September 2012
  2. Bekende sanger oorlede, Volksblad, 9 September 2012
  3. louisvanrensburg.co.za, besoek op 10 September 2012
  4. musiek.co.za, besoek op 10 September 2012.
  5. Die Oerknal van die liefde, besoek op 10 September 2012

Eksterne skakels[wysig | wysig bron]