Lucy Maud Montgomery

in Wikipedia, die vrye ensiklopedie
Spring na: navigasie, soek
Lucy Maud Montgomery
Lucy Maud Montgomery in die 1920's
Gebore 30 November 1874
Clifton, Prins-Edward-eiland
Oorlede 24 April 1942
Toronto, Ontario
Nasionaliteit Vlag van Kanada Kanada
Alma mater Prince of Wales College
Dalhousie-universiteit, Halifax
Beroep Romanskrywer en digter
Bekend vir Anne of Green Gables (1908)
Eerbewyse Offisier in die Orde van die Britse Ryk
Huweliksmaat Ewen ("Ewan") Macdonald
Kind(ers) Chester (1912–1963)
Hugh (1914–1914)
Stuart (1915–1982)

Lucy Maud Montgomery (OBE, * 30 November 1874; † 24 April 1942), algemeen bekend as L. M. Montgomery, was 'n Kanadese skrywer wat met 'n reeks van twintig romans, wat vanaf 1908 gepubliseer is, wye bekendheid verwerf het. Daarnaas het 530 kortvehale, 500 gedigte en dertig essays uit haar pen gekom.

Haar grootste internasionale sukses was Anne of Green Gables, 'n werk wat oorspronklik op alle ouderdomme van jonk tot oud gemik was, maar vanaf die middel van die 20ste eeu oorwegend as jeugboek beskou word. Die hoofkarakter Anne, 'n weeskind, staan ook sentraal in Montgomery se volgende romans wat hoofsaaklik op Prins-Edward-eiland, Kanada se kleinste provinsie, afspeel. Plekke wat met Montgomery se fiksie verbind word, is tans gewilde literêre bakens en toeristetrekpleisters, soos die plaas Green Gables – die bakermat van die latere Nasionale Prins-Edward-eilandpark.

In 1935 is Montgomery tot Offisier in die Orde van die Britse Ryk benoem.