Lughawe Londen-Southend

in Wikipedia, die vrye ensiklopedie
Jump to navigation Jump to search
Lughawe Londen-Southend
Southend Airport railway station 04.jpg
IATA: SENICAO: EGMC
Opsomming
Tipe lughawe Openbaar
Eienaar Stobart Group
Operateur London Southend Airport Company Ltd - Stobart Group
Bedien Londen, Verenigde Koninkryk
Ligging Rochford, Essex
Hoogte bo seevlak 55 vt / 17 m
Webtuiste http://www.southendairport.com/
Landkaart
SEN is geleë in Essex
SEN
Ligging in Essex, Engeland
Statistieke (2013)
Passasiers 969 912
Passasiersverskil 12-13 Green Arrow Up Darker.svg 57.2%
Lugbewegings 29 443
Bewegingsverskil 12-13 Green Arrow Up Darker.svg 6.2%

Die Lughawe Londen-Southend (Engels: London Southend Airport) (IATA-kode: SEN, ICAO: EGMC) is een van ses lughawens wat Groter Londen bedien. Dit is 60 km of 42 myl oos van Londen se middestad en 2,8 km noord van Southend-on-Sea in die Rochford-distrik van die graafskap Essex geleë.

Gedurende die 1960's was Southend die derde besigste lughawe in die Verenigde Koninkryk.[1] Vir die hoofstad Londen was dit tot en met die laat 1970's, toe dit deur Stansted verbygesteek is, die derde belangrikste lughawe.

Southend het oorspronklik vanaf 1914 as basis vir die Royal Flying Corps gedien. In 2008 is die lughawe deur die Stobart Group oorgeneem wat 'n ambisieuse ontwikkelings-, moderniserings- en uitbreidingsprogram begin het. Om Southend meer mededingend te maak, is die aanloop- en landingsbane verleng en 'n nuwe beheertoring en spoorwegstasie opgerig. Treindienste verbind Southend met die Liverpool Street-stasie in Londen se middestad.

Die tweede fase van die uitbreidingsprogram is in April 2012 goedgekeur. Dit maak voorsiening vir die uitbreiding van die terminaalgebou sodat meer veiligheidskontroles uitgevoer kan word, asook vir fasiliteite soos nuwe bagasierolbane, winkels, restaurante en 'n vertreksitkamer. Die lughawe behoort sy beplande maksimumkapasiteit van twee miljoen passasiers per jaar teen 2020 te bereik. In Oktober 2012 het die internasionale Holiday Inn-ketting 'n nuwe hotel naby die lughawe geopen.

In Julie 2012 het Southend naas Heathrow, Gatwick, Stansted, Luton en London City-lughawe die sesde amptelike IATA-lughawe geword wat Londen bedien.

Verwysings[wysig | wysig bron]