Lunar Gateway

in Wikipedia, die vrye ensiklopedie
Die kenteken van die Lunar Gateway.

Die Lunar Gateway, of net Gateway, is 'n beplande klein ruimtestasie in 'n wentelbaan om die Maan wat sal dien as 'n sonkragaangedrewe kommunikasiesentrum, wetenskaplaboratorium, korttermynwoongebied vir ruimtevaarders en 'n stoorplek vir verkenningstuie en ander robotte.

Dit is deel van 'n internasionale samewerkingsprogram onder leiding van Nasa en in samewerking met die Europese Ruimteagentskap (ESA), Japannese JAXA en die Kanadese Ruimteagentskap (CSA).

'n Kunstenaar se voorstelling van die Lunar Gateway in 'n wentelbaan om die Maan.

Dit sal die eerste ruimtestasie buite 'n lae aardwentelbaan wees en die eerste een in 'n wentelbaan om die Maan.[1][2] Die amptelike naam is die Lunar Orbital Platform-Gateway (LOP-G).

Van die wetenskaplike dissiplines wat op die Gateway bestudeer sal word, sluit in planetologie, astrofisika, die waarneming van die Aarde, heliofisika, ruimtebiologie en menslike gesondheid.[3] Dit sal volgens plan in die 2020's gebou word.[4][5][6] Die Gateway sal van uiterste belang wees in die vestiging van 'n menslike teenwoordigheid op die Maan, Mars en ander voorwerpe in die sonnestelsel.[7]

Lunar Gateway se wentelbaan oor sewe dae, met die Maan en Aarde in sig.

Die projek sal na verwagting 'n groot rol speel in Nasa se Artemis-program ná 2024. Hoewel Nasa aan die hoof van die projek staan, sal die Gateway ontwikkel, gediens en gebruik word in samewerking met CSA, ESA, JAXA en kommersiële vennote. Dit sal onder meer dien as 'n fase in die stuur van mense en robotte na die Maan en Mars.[8][4]

Wentelbaan en operasies[wysig | wysig bron]

Die Gateway se wentelbaan sal hoogs eksentries wees en sewe dae duur om te voltooi. Sy nabyreglynige halowentelbaan (NRHO) om die Maan sal hom binne 1 500 km van die noordpool af bring op sy naaste afstand en tot 70 000 km van die suidpool af op sy verste afstand.[9]

Gateway sal die eerste modulêre ruimtestasie wees wat outomaties sal werk en die eerste een buite 'n lae aardse wentelbaan. Gesofistikeerde sagteware sal alle stelsels monitor en beheer. Mettertyd sal dit ingewikkelder sendings ook vergemaklik.[10]

Verwysings[wysig | wysig bron]

  1. ↑ "FY 2022: NASA Budget Request" (PDF). NASA. 28 Mei 2021. Besoek op 1 Junie 2021. Hierdie artikel bevat teks uit dié bron, wat in die publieke domein is.
  2. ↑ Jackson, Shanessa (11 September 2018). "Competition Seeks University Concepts for Gateway and Deep Space Exploration Capabilities". nasa.gov. NASA. Geargiveer vanaf die oorspronklike op 17 Junie 2019. Besoek op 19 September 2018. Hierdie artikel bevat teks uit dié bron, wat in die publieke domein is.
  3. ↑ Mahoney, Erin (24 Augustus 2018). "NASA Seeks Ideas for Scientific Activities Near the Moon". nasa.gov. NASA. Geargiveer vanaf die oorspronklike op 9 Junie 2019. Besoek op 19 September 2018. Hierdie artikel bevat teks uit dié bron, wat in die publieke domein is.
  4. ↑ 4,0 4,1 Kathryn Hambleton (28 Maart 2017). "Deep Space Gateway to Open OpportunitiesArtemis for Distant Destinations". nasa.gov. NASA. Geargiveer vanaf die oorspronklike op 27 September 2017. Besoek op 5 April 2017. Hierdie artikel bevat teks uit dié bron, wat in die publieke domein is.
  5. ↑ "РОСКОСМОС - NASA СОВМЕСТНЫЕ ИССЛЕДОВАНИЯ ДАЛЬНЕГО КОСМОСА (ROSCOSMOS - NASA JOINT RESEARCH OF FAR COSMOS)". Geargiveer vanaf die oorspronklike op 10 September 2019. Besoek op 29 September 2017.
  6. ↑ Weitering, Hanneke (27 September 2017). "NASA and Russia Partner Up for Crewed Deep-Space Missions". Space.com. Geargiveer vanaf die oorspronklike op 10 September 2019. Besoek op 5 November 2017.
  7. ↑ NASA (2 Mei 2018). "Gateway Memorandum for the Record" (PDF). nasa.gov. NASA. Geargiveer (PDF) vanaf die oorspronklike op 25 Julie 2019. Besoek op 19 September 2018. Hierdie artikel bevat teks uit dié bron, wat in die publieke domein is.
  8. ↑ Gebhardt, Chris (6 April 2017). "NASA finally sets goals, missions for SLS – eyes multi-step plan to Mars". nasaspaceflight.com. NASASpaceflight. Geargiveer vanaf die oorspronklike op 21 Augustus 2017. Besoek op 19 September 2018.
  9. ↑ Angelic halo orbit chosen for humankind's first lunar outpost. Geargiveer 11 Augustus 2019 op Wayback Machine European Space Agency, Published by PhysOrg, 19 July 2019
  10. ↑ NASA.gov Geargiveer 2 Januarie 2020 op Wayback Machine Human Exploration and Operations Mission Directorate - Architecture Status], Jim Free, NASA, 28 March 2017 Hierdie artikel bevat teks uit dié bron, wat in die publieke domein is.

Skakels[wysig | wysig bron]

Ontsluit van "https://af.wikipedia.org/w/index.php?title=Lunar_Gateway&oldid=2652296"