MAVEN

in Wikipedia, die vrye ensiklopedie
Voorstelling van MAVIN met Mars in die agtergrond
MAVEN se lansering

MAVEN (afkorting vir Mars Atmosphere and Volatile Evolution) is 'n ruimtetuig van NASA wat ontwerp is om Mars se atmosfeer te bestudeer terwyl dit om die planeet wentel. Die doel van die sending is om vas te stel hoekom die atmosfeer en water, wat vermoedelik eens volop daar voorgekom het, verlore gegaan het.[1][2][3][4]

MAVEN is op 18 November 2013 aan boord van 'n Atlas V-vuurpyl gelanseer. Dit bereik Mars op 22 September 2014 na 'n tussen-planetêre reis van 10 maande oor 'n afstand van 711 miljoen kilometer.[5] Die ruimtetuig is daarna in 'n elliptiese wentelbaan, 6 200 km by 150 km bokant die planeet se oppervlak geplaas. Die proses is geoutomatiseer omdat seine meer as twaalf minute neem om die Aarde te bereik, en die beheersentrum nie vinnig genoeg sou kon reageer nie.

Op 19 Oktober 2014 sal die komeet C/2013 A1 (Siding Spring) ongeveer 135 000 kilometer van Mars verbyskuur. As 'n komeet so naby aan die Aarde kom, sou dit tussen die Maan en die Aarde, maar nader aan die Aarde verbyvlieg. Tydens die besoek sal MAVEN sy instrumente op die komeet rig om dit van nader te bestudeer.[6]

Verwysings[wysig | wysig bron]

  1. Brown, Dwayne; Neal-Jones, Nancy; Zubritsky, Elizabeth (21 September 2014). "NASA's Newest Mars Mission Spacecraft Enters Orbit around Red Planet". NASA (in Engels). Geargiveer vanaf die oorspronklike op 15 Maart 2020. Besoek op 30 September 2014.
  2. Chang, Kenneth (21 September 2014). "NASA Craft, Nearing Mars, Prepares to Go to Work". New York Times (in Engels). Geargiveer vanaf die oorspronklike op 24 Februarie 2020. Besoek op 21 September 2014.
  3. Chang, Kenneth (15 November 2013). "Probe May Help Solve Riddle of Mars's Missing Air". New York Times (in Engels). Geargiveer vanaf die oorspronklike op 11 Mei 2020. Besoek op 15 November 2013.
  4. New NASA Missions to Investigate How Mars Turned Hostile Geargiveer 31 Januarie 2016 op Wayback Machine. Deur Bill Steigerwald (18 November 2012)
  5. "argiefkopie". Geargiveer vanaf die oorspronklike op 20 September 2014. Besoek op 24 September 2014.
  6. Video: Unieke Nasa-tuig kom by Mars aan, Maroela Media, 22 September 2014

Eksterne skakels[wysig | wysig bron]