MMR-entstof

in Wikipedia, die vrye ensiklopedie
Jump to navigation Jump to search

Die MMR-entstof is 'n entstof wat gebruik word om kinders teen pampoentjies, masels en Duitse masels in te ent. (Die gebruiklike afkorting MMR staan in Engels vir measles, mumps and rubella.)

Alhoewel hierdie besmetlike siektes deur die meeste mense as onskuldige kindersiektes beskou word, kan 'n baie klein deel van die gevalle op 'n lang termyn vir ernstige komplikasies sorg, soms selfs 'n lewenslange gestremdheid. Duitse masels kan by swanger vroue ook groot skade aan die ongebore kind veroorsaak, soms selfs 'n spontane aborsie. Pampoentjies kan in seldsame gevalle tot breinvliesontsteking lei of onvrugbaarheid by mans.

Meeste lande bied hierdie drie-in-een inenting, aangesien dit as veiliger as drie aparte inentings beskou word. In Suid-Afrika kry kinders slegs 'n maselsinenting van die staat, terwyl MMR meestal in die privaatsektor toegedien word.

Ontwikkeling, formulering en administrasie[wysig | wysig bron]

Twee werkers maak gaatjies in hoendereiers in voorbereiding vir 'n maselsentstof.

Die individuele komponent-virale stamme van die MMR-entstof is ontwikkel deur voortplanting in diere en menslike selle. Die lewende virusse vereis dierlike of menslike selle as 'n gasheer vir die produksie van meer virusse.

Byvoorbeeld, in die geval van pampoentjies en maselvirusse, is die virusstamme gekweek in geëmbrioneerde-hoendereiers en kuikenembrio-selkulture. Dit het virusse gevorm wat aangepas was vir die hoendereiers en minder geskik is vir menslike selle. Dus word hierdie stamme gedempte stamme genoem. Daar word soms na hulle verwys as neurogedempte stamme omdat hierdie stamme minder virulent is vir menslike neurone in vergelyking met die wilde stamme.

Die Rubella-komponent, Meruvax, is in 1967 ontwikkel deur middel van voortplanting met behulp van die menslike embrionale longsel-lyn WI-38 (vernoem na die Wistar Instituut) wat 6 jaar vroeër in 1961 afgelei is.[1][2]

Siekte geïmmuniseer Komponent Entstof Virus stam Voortplantingsmedium Groeimedium
Masels Attenuvax Enders se verswakte Edmonston stam kuikenembrio-selkultuur Medium 199
Pampoentjies Mumpsvax Jeryl Lynn (B valk) stam
Rubella Meruvax II Wistar RA 27/3-stam van lewendige verswakte roebellavirus WI-38 menslike fetale longfibroblaste MEM

MMR II word gevriesdroog verskaf, en bevat lewende virusse. Voor inspuiting word dit deur die gesondheidswerker saamgestel met die verskafde oplosmiddel.

Die MMR-entstof word toegedien deur 'n subkutane inspuiting. Die tweede dosis kan so vroeg as een maand na die eerste dosis gegee word. Die tweede dosis is 'n dosis om immuniteit te produseer in die klein aantal persone (2-5%) wat nie na die eerste dosis maselsimmuniteit ontwikkel nie. [3] In die VSA word dit voor toegang tot kleuterskool gedoen omdat dit 'n gerieflike tyd is.[4][5]

Eksterne skakels[wysig | wysig bron]

Verwysings[wysig | wysig bron]

  1. (en) (1967) “Human fibroblasts infected with rubella virus produce a growth inhibitor.”. Science 156: 659–61. doi:10.1126/science.156.3775.659.
  2. (en) (1967) “The serial cultivation of human diploid cell strains.”. Exp. Cell Res. 25: 585–621. doi:10.1016/0014-4827(61)90192-6.
  3. (en) (2007) “Increasing coverage and efficiency of measles, mumps, and rubella vaccine and introducing universal varicella vaccination in Europe: a role for the combined vaccine”. Pediatr Infect Dis J 26 (7): 632–8. doi:10.1097/INF.0b013e3180616c8f.
  4. (en) MMR vaccine questions and answers”. Centers for Disease Control and Prevention: 2004. URL besoek op 2008-05-28.
  5. (2008) “Update: recommendations from the Advisory Committee on Immunization Practices (ACIP) regarding administration of combination MMRV vaccine”. MMWR Morb Mortal Wkly Rep 57 (10): 258–60.

Sien ook[wysig | wysig bron]