Ma Huateng

in Wikipedia, die vrye ensiklopedie
Jump to navigation Jump to search

Ma Huateng (geb. 29 Oktober 1971 in Tsjaojang, Guangdong), ook bekend as Pony Ma, is 'n Chinese entrepreneur en stigter van Tencent, een van die grootste internetmaatskappye in China.[1][2] Hy is in 2007 deur Time as een van die wêreld se invloedrykste persone aangewys.[3] In Oktober 2013 was Ma die vyfde rykste persoon in China en die 173ste rykste persoon ter wêreld, met 'n geskatte netto waarde van VS$10.2 miljard.[4]

Loopbaan by Tencent[wysig | wysig bron]

Ma het 'n graad aan die Universiteit Shenzhen behaal[5] en was die mede-stigter van Tencent in 1998.[1] Die maatskappy se eerste produk, die kitsboodskapprogram Tencent QQ, het vinnig in China gewild geword. Tencent het kort daarna begin uitbrei tot 'n internetreus, vergelykbaar met AOL in die VSA.[3] Hy is tans voorsitter en HUB van Tencent Holdings, een van die drie grootste chinese internetmaatskappye - die ander is Alibaba en Baidu. Teen die einde van September 2012 het QQ by die 784 miljoen aktiewe gebruikers gehad, wat 'n toename van 10% op die vorige jaar was. Tencent bestuur ook 'n mobiele boodskapproduk genaamd WeChat; dié het teen die einde van 2012 200 miljoen aktiewe gebruikers behaal.[6] Tencent bedryf ook ander uiteenlopende dienste soos webportale, e-handel en multispeler-aanlynspeletjies.[7] Aanlynspeletjies soos die Legende van Julong en die Legende van Sjuanjuan het omset met meer as 50% opgestoot tot by VS$5.1 miljard, waarvan VS$1.5 miljard wins was.[8]

Verwysings[wysig | wysig bron]

  1. 1,0 1,1 Investing in China: The Emerging Venture Capital Industry Jonsson Jinja Li, Google-boeke
  2. TencentTencent amptelike webwerf
  3. 3,0 3,1 Biographical Dictionary of New Chinese Entrepreneurs and Business Leaders, Pg. 111 Ilan Alon en Wensjian Zhang. Edward Elgar Publishing, 2009. Google-boeke.
  4. "The 400 Richest Chinese". Forbes.
  5. "Introduction of Shenzhen University". Universiteit Shenzhen. Besoek op 2010-10-28.
  6. [1], Profiel van Ma Huateng in Forbes, 2013.
  7. Tencent, More Than QQ Instant Messaging In China thechinaobserver.com, Januarie 2009
  8. [2], Profiel van Ma Huateng in Forbes, 2013.