Maguelone

Maguelone is 'n voormalige biskopstad geleë in die département Hérault en is die ligging van 'n antieke katedraal . Die stad Maguelone is deur die Wesgote gestig maar is in 737 deur die Franke vernietig.

Die île de Maguelone eiland het as gevolg van sy maklik verdedigbare posisie op 'n sandbank tussen 'n lagune en die see die setel van 'n biskop geword. Die hedendaagse stad Villeneuve-lès-Maguelone is hier op die vasteland gebou.

Die biskoppe het geskuil in die antieke stad van Subtantion wat tans nie meer bestaan nie. Maguelone is deur die biskop Arnaud (1030-1060) herbou. In 1172 het die Graafskap van Melgueil oorgegaan in die hande van die Huis van Toulouse. Die reg om geld te munt (wat sous melgorien genoem is) het in die lys van Grawe van Melgueil verskyn wat gerenuiieer, die regte aan Pous Innocentius III wat dit aan biskop Guillaume III van Autignac (1204-1216) beleen het op 14 April 1215. Sodoende het die Graafskap van Melgueil in die hande van die biskoppe van Maguelone geland. Die biskoppe het te staan gekom voor die opkoms van die Huis van Aragon wat besit van Montpellier bekom het. Vanaf 1293 het Filip IV 'n atelier in Sommières in plek gestel wat in 1356 na Montpellier geskuif is. Die biskoplike setel is in 1536 opgehef en na Montpellier geskuif.

Die versterkte Saint-Pierre katedraal in die Romaanse styl is as historiese monument geklassifiseer. Die terrein huisves tans 'n werkshulpsentrum.

Galery

• 
  Westelike fasade en portaal van die St-Pierre katedraal.
• 
  Reliëf van Petrus (regterkant van die portaal).
• 
  Reliëf van Paulus (linkerkant van die portaal).

43.516689°N 03.891907°O / 43.516689; 03.891907 : satellietbeeld van Maguelonne

Bibliografie

• Cartulaire de Maguelone (4 tomes) - J. Rouquette et A. Villemagne (1912)
• Bullaire de l' église de Maguelone (2 tomes) - J. Rouquette et A. Villemagne (1914)

Eksterne skakels

• historique, aanbieding
• Geskiedenis van die denier de Melgueil (Maguelone) Geargiveer 30 Desember 2010 op Wayback Machine, die plaaslike feodale geldeenheid