Mahajanapada

in Wikipedia, die vrye ensiklopedie
Jump to navigation Jump to search
’n Kaart wat die 16 mahajanapadas toon.

Die mahajanapadas (Sanskrit vir "groot ryk") was 16 koninkryke of oligargiese republieke wat van die 6de tot 4de eeu v.C. in die noordelike antieke Indië bestaan het.[1]

Agtergrond[wysig | wysig bron]

Die 6de tot 5de eeu v.C. word dikwels beskou as ’n groot keerpunt in die vroeë geskiedenis van Indië; in dié tydperk het die eerste groot stede hier verrys ná die val van die Indusvalleibeskawing. Dit was ook die tyd van die opkoms van bewegings soos Boeddhisme en Djainisme wat die ortodokse geloof van die Vediese tydperk betwis het.

Twee van die mahajanapadas was moontlik oligargiese republieke, terwyl die ander ’n soort monargie was. Antieke Boeddhistiese tekste verwys dikwels na 16 groot koninkryke en republieke wat in ’n strook van Gandhara in die noordweste tot Anga in die oostelike deel van die Indiese subkontinent ontwikkel en floreer het. Almal het voor die opkoms van Boeddhisme in Indië al bestaan.[2]

Oorsig[wysig | wysig bron]

Die woord maha beteken "groot" en janapada letterlik "vastrapplek van ’n volk". Die vestiging van volke in die gebied het reeds sy finale stadium bereik teen die tyd van Boeddha. Die noordweste van die Indiese subkontinent was verdeel in verskeie janapadas, wat deur grense geskei is. Die Boeddhistiese teks Anguttara Nikaya gee op verskeie plekke[3] die name van 16 groot nasies:

  1. Anga
  2. Assaka (of Asmaka)
  3. Avanti
  4. Chedi
  5. Gandhara
  6. Kashi
  7. Kamboja
  8. Kosala
  9. Kuru
  10. Magadha
  11. Malla
  12. Machcha (of Matsya)
  13. Panchala
  14. Surasena
  15. Vriji
  16. Vatsa (of Vamsa)

Nog ’n teks, die Digha Nikaya, noem 12 mahajanapadas uit die boonste lys en laat 4 weg: Assaka, Avanti, Gandhara en Kamboja.[4] Ander tekste, soos die Chulla-Niddesa, gee ook lyste wat effens van bogenoemde verskil.[5][6]

Die Bhagavati Sutra van Djainisme noem 16 ander mahajanapadas:

  1. Anga
  2. Banga (Vanga)
  3. Magadha
  4. Malaya
  5. Malavaka
  6. Accha
  7. Vaccha
  8. Kochcha
  9. Padha
  10. Ladha
  11. Bajji (Vajji)
  12. Moli (Malla)
  13. Kasi
  14. Kosala
  15. Avaha
  16. Sambhuttara

Dié lys word as ’n latere en dus minder betroubare weergawe beskou.[7]

Verwysings[wysig | wysig bron]

  1. Vikas Nain, "Second Urbanization in the Chronology of Indian History", International Journal of Academic Research and Development 3 (2) (Maart 2018), ble. 538–542.
  2. 16 Mahajanapadas - Sixteen Mahajanapadas, 16 Maha Janapadas India, Maha Janapada Ancient India. Iloveindia.com. Besoek op 2013-07-12.
  3. Anguttara Nikaya: vol. I, bl. 213, vol. IV, ble. 252, 256, 260, ens.
  4. Digha Nikaya, vol II, bl. 200.
  5. Chulla-Niddesa (P.T.S.), bl. 37.
  6. Lord Mahāvīra and his times, 1974, bl. 197, Dr Kailash Chand Jain; The History and Culture of the Indian People, 1968, bl. lxv, Dr Ramesh Chandra Majumdar, Bharatiya Vidya Bhavan, Bhāratīya Itihāsa Samiti; Problems of Ancient India, 2000, bl. 7, K.D. Sethna.
  7. Political History of Ancient India, 1996, bl. 86; History & Culture of Indian People, Age of Imperial Unity, ble. 15–16

Skakels[wysig | wysig bron]