Maputaland

in Wikipedia, die vrye ensiklopedie
Jump to navigation Jump to search
Maputaland is geleë in Suid-Afrika
{{{alt}}}
Maputaland
Ligging van Maputaland

Maputaland is 'n natuurlike streek van Suider-Afrika. Dit is in die noordelike deel van die provinsie van KwaZulu-Natal tussen eSwatini en die kus geleë.[1] In 'n wyer sin kan dit ook die suidelike streek van Mosambiek insluit. Die voëlroetes en koraalriwwe aan die kus is groot toeriste-aantreklikhede.

Geografie[wysig | wysig bron]

Maputaland word begrens deur die Lebomboberge in die weste en die Indiese Oseaan in die ooste. Dit beslaan 'n gebied van ongeveer 10,000 km2, wat benaderd vanaf die dorp Hluhluwe en die noordelike dele van die iSimangaliso-vleilandpark na die grens tussen Mosambiek en Suid-Afrika strek, of selfs oor die grens tot by Maputo in Mosambiek.[2]

Die meestal plat streek voer die Phongolo- en Mkhuzeriviere. Hierdie streek bevat die meeste vene van Suid-Afrika.

Tongaland[wysig | wysig bron]

Die Suid-Afrikaanse deel van Maputaland was vroeër bekend as Tongaland, so vernoem na die Tsonga-stam wat hier woon. Op 11 Junie 1895 is Tongaland deur Groot Brittanje geannekseer.

'Tongaland', die naam van die tradisionele streek van die Tsonga, word nie meer algemeen gebruik nie. Dit kan egter steeds in wetenskaplike studies gevind word,[3] sowel as in die name van sekere spesies, soos die Tongaland kannibaal-slak (Natalina wesseliana).

Verwysings[wysig | wysig bron]

Sien ook[wysig | wysig bron]