Gaan na inhoud

Marinus Adrianus Koekkoek die Jongeling

in Wikipedia, die vrye ensiklopedie
Marinus Adrianus Koekkoek (1930's)

Marinus Adrianus Koekkoek, bekend as Die Jongeling (29 Januarie 1873, Amsterdam - 30 Mei 1944, Amsterdam) was 'n Nederlandse diereskilder, wat in voëls gespesialiseer het. Daar word na hom verwys as "die jongeling" om hom te onderskei van sy grootoom, die landskapskilder, Marinus Adrianus Koekkoek, na wie hy vernoem is.

Lewe en werk

[wysig | wysig bron]

Hy was lid van die bekende Koekkoek-familie seun van die stadsbeeldskilder, Willem Koekkoek; kleinseun van Hermanus Koekkoek, en agterkleinseun van Johannes Hermanus Koekkoek. Sy broer, Hermanus Willem, het ook 'n skilder geword; en gespesialiseer in militêre vakke. Sy pa het vir hom en Hermanus hul eerste kunslesse gegee.

'Papegaaie' deur Marinus Adrianus Koekkoek die Jongeling

Sy loopbaan het in Amsterdam begin en geëindig. Tussendeur het hy twintig jaar by die Rijksmuseum van Oudheden, in Leiden, deurgebring om akademiese werke te illustreer. [1] Hy is veral bekend vir sy waterverf- illustrasies; veral Ornithologia Neerlandica: de vogels van Nederland, deur Eduard Daniël van Oort, wat van 1922 tot en met 1935 in vyf dele gepubliseer is. Hy het ook kleurplate vir twee reekse skoolhandboeke oor die natuur geskep: In Ons Land, en Buiten Ons Land. Sy laaste werke was 'n stel poskaarte vir Natura Artis Magistra, 'n dieretuin in Amsterdam.

Na die Tweede Wêreldoorlog is hy valslik daarvan beskuldig dat hy 'n Nazi-medewerker was; asook die skep van propagandaplakkate vir die Hitler Jeug en die Nederlands Arbeidsfront. In 2011 is dit egter bewys dat die plakkate eintlik deur sy seun, Cornelis Koekkoek, geskep is, wat verbonde was aan die Nasionaal - Sosialistiese Nederlandse Arbeidersparty. [2]

"From the Australian Animal World", 'n klaskamermuurplakkaat in die reeks, Dieren en hul omgewing (Diere en hulle omgewing)

'n Slangspesie, die Malayotyphlops koekoeki, op die Indonesiese eiland Bunyu, naby Borneo, is ter ere van Koekkoek vernoem.

Verwysings

[wysig | wysig bron]
  1. Pieter A. Scheen: Lexicon Nederlandse beeldende kunstenaars, 1750–1950. Gravenhage 1981. pg.278.
  2. "Was schoolplatenschilder M.A. Koekkoek fout in de oorlog?" In: Perssupport, #17, March 2011.

Bronne

[wysig | wysig bron]
  • PMJE Jacobs: Beeldend Benelux: biografisch handboek. Stichting Studiecentrum voor beeldende kuns, Tilburg 2000,ISBN 90-805707-1-0
  • Ou meesters en 19de eeuse kuns. Christie's, Amsterdam 2012. Mit Familienstammbaum auf S.122.
  • (in Duits) Koekkoek, Marinus Adrianus

Eksterne skakels

[wysig | wysig bron]