Mark Nixon

Mark Nixon is 'n Suid-Afrikaansse pianis. Hy is gebore in Suid-Afrika en ontvang sy opvoeding aan die Drakensberg Seunskoor Skool en Diocesan Kollege.

Hy is 'n gegradueerde van die Universiteit van Kaapstad, Universiteit van Suid-Afrika (UNISA), die Amsterdamse Konservatoria en die Guildhall Skool vir Musiek en Drama in Londen. Sy onderwysers het Laura Searle, Lamar Crowson, Håkon Austbø en Graham Johnson ingesluit. Van 2000 tot 2002 was hy die Anthony Saltmarsh junior-Genoot by die Koninklike Musiekkollege.

Nixon het reeds vele toekennings ontvang, waaronder eerste pryse in die Adolph Hallis-klavierkompetisie in 1994 en die Nederburg-UNISA Nasionale Klavierkompetisie in 1998. In 1997 is die twee mees gesogte beurse in SA aan hom toegeken: die SAMRO-beurs vir pianiste en die UNISA PJ Lemmer-beurs vir uitvoerders. In 2000 was hy geselekteer as "Young Concert Artist" (soloklavier) van die Nasionale Federasie van Musiekverenigings in die Verenigde Koninkryk (nou bekend as Making Music). In 2008 is hy weer gekies, hierdie keer as deel van 'n duet saam met die sopraan Erica Eloff. Hy het as konsertsolis saam met al die Suid-Afrikaanse orkeste, die Rotterdamse Filharmoniese Orkes en met verskeie orkeste in Engeland opgetree. As solo-opvoerder en pianis-begeleier het hy wydverspreid in Suid-Afrika sowel as by die Wigmore Hall, Purcell Room en Linbury Theatre-Covent Garden in Londen sowel as by talle musiekverenigings regoor die Verenigde Koninkryk verskyn.

In 1999 het hy die Guildhall Skool se Schubert en Ireland-pryse gewen en die begeleiersprys in die English Singers and Speakers Union Song Kompetisie in Londen. In 2006 het hy die begeleiersprys gewen by die Great Elm Vocal-toekennings by Wigmore Hall, Londen. Van sy vele verskynings sluit konsertreekse saam met verskeie sangers en instrumentaliste in Nederland, Frankryk, Brittanje , en toere in Suid-Afrika tydens 2002, 2003, 2004, 2005, 2007, 2010 en 2012, in. Hy is 'n vlytige kamermusikant, wat dikwels met verskeie sangers saamwerk wat betref die liedere repertorium, en hy is ook deel van die King's Piano Trio en 'n stigterslid van die London Song Circle. Hy is ook 'n toegewyde onderwyser, wat in Londen woon, en is die Hoof van die Klawerbord afdeling by King's College School, Wimbledon.

In 2010 het hy 'n CD van liedjies deur Grieg, Wolf, Rachmaninoff, Wilding en De Villiers in samewerking met die sopraan Erica Eloff vrygestel. In 2012 het hy 'n CD van werke vir soloklavier deur Liszt, Brahms en Debussy op die Stringwise plate-etiket uitgereik. Albei opnames was uiters goed ontvang in die pers en word gereeld gehoor op Classic FM en Fine Music Radio. Onlangse optredes het solo-optredes in Suid-Afrika, gesamentlike werk met sangers, en optredes van die King's Piano Trio in die Verenigde Koninkryk ingesluit, asook 'n uitvoering van Beethoven se Klavierconcerto nr. 4 in Sint Alban's Katedraal.