Martin McDonagh

in Wikipedia, die vrye ensiklopedie
Martin McDonagh
'n Beeld van die betrokke persoonlikheid.
McDonagh in 2012.

Geboorte 26 Maart 1970 (1970-03-26) (53 jaar oud)
Camberwell, Londen, Engeland
Nasionaliteit Brits, Iers
Beroep(e) Rolprentregisseur, dramaturg
Aktiewe jare 1996-tans
Rolprente In Bruges
Seven Psychopaths
Three Billboards Outside Ebbing, Missouri
Internet-rolprentdatabasis-profiel

Martin McDonagh (gebore 26 Maart 1970) is ’n Britse en Ierse dramaturg, draaiboekskrywer en regisseur. Hy het as seun van Ierse ouers in Londen grootgeword en het dubbele Britse en Ierse burgerskap.[1] Hy is al beskryf as een van die belangrikste lewende dramaturge in Ierland.[2]

McDonagh het in 2006 ’n Oscar gewen vir beste lewende-aksie-kortprent en in 2018 ’n Golden Globe vir beste draaiboek.

Loopbaan[wysig | wysig bron]

Teater[wysig | wysig bron]

McDonagh se eerste ses toneelstukke is in twee trilogieë verdeel en speel af in en om County Galway, Ierland, waar hy dikwels as kind vakansie gehou het. Die eerste trilogie bestaan uit The Beauty Queen of Leenane (1996), A Skull in Connemara (1997) en The Lonesome West (1997),[3] en die tweede trilogie uit The Cripple of Inishmaan (1997), The Lieutenant of Inishmore (2001) en The Banshees of Inisheer (die derde toneelstuk is nooit gepubliseer nie, omdat McDonagh vasbeslote was "dit is nie goed" nie).[4][5]

Sy eerste nie-Ierse toneelstuk was The Pillowman.[6] A Behanding in Spokane is sy eerste stuk wat in die VSA afspeel; die première was in Maart 2010 op Broadway.[7] Die hoofspeler, Christopher Walken, is vir ’n Tony benoem vir beste akteur in ’n toneelstuk[7] vir sy vertolking van ’n moordenaar wat soek na die hand wat hy in sy jeug verloor het.[8]

Rolprente[wysig | wysig bron]

In 2006 het McDonagh ’n Oscar gewen vir sy eerste rolprent, die swartkomediekortprent Six Shooter (2004).[9] Hy het daarna ’n ooreenkoms met die Focus Features-vervaardigingsmaatskappy aangegaan om die regisseur te wees van In Bruges, ’n rolprent wat op sy eie toneelstuk gegrond en in 2008 uitgereik is. Colin Farrell, Ralph Fiennes en Brendan Gleeson speel daarin. McDonagh is benoem vir ’n Oscar vir beste oorspronklike draaiboek.[10][11][12]

Dié prent is gevolg deur Seven Psychopaths,[13] wat op 12 Oktober 2012 in Amerika uitgereik is met Colin Farrell, Sam Rockwell, Woody Harrelson, Christopher Walken en Tom Waits.[14]

Sy drama-donkerkomedie van 2017, Three Billboards Outside Ebbing, Missouri met Frances McDormand, Sam Rockwell en Woody Harrelson, se première was op 4 September op die Venesiese Rolprentfees en het goeie resensies gekry.[15] Op 17 September het dit die People's Choice Award gewen op die Toronto- Internasionale Rolprentfees en in Januarie 2018 vier Golden Globes, insluitende een vir McDonagh vir beste draaiboek.

Pryse en benoemings[wysig | wysig bron]

Van Martin McDonagh se belangrikste pryse en benoemings is:

Jaar Prys Kategorie Rolprent Uitslag
2018 Golden Globe Beste regisseur Three Billboards Outside Ebbing, Missouri Benoem
Beste draaiboek Gewen
2013 Bafta Beste Britse rolprent Seven Psychopaths Benoem
2009 Oscar Beste oorspronklike draaiboek In Bruges Benoem
Bafta Beste oorspronklike draaiboek Gewen
2006 Bafta Beste kortprent Six Shooter Benoem
2005 Oscar Beste lewende-aksie-kortprent Gewen

Verwysings[wysig | wysig bron]

  1. "Seven steps to Martin McDonagh" (in Engels). Irish Times. 6 November 2012. Geargiveer vanaf die oorspronklike op 21 Desember 2019. Besoek op 3 Mei 2013.
  2. Zinoman, Jason (7 Maart 2010). "Is He Mellower? Ask the Guy Missing a Hand" (in Engels). New York Times. Geargiveer vanaf die oorspronklike op 13 September 2017. Besoek op 25 April 2011.
  3. Hicklinh, Alfred. "'A Skull in Connemara' review – a sprited revival that redefines the concept of graveyard humour The Guardian, 28 Mei 2015
  4. McDonald, Henry. "Profile" The Guardian, 25 April 2008
  5. The Pillowman (2006–2007) by Berkeley Repertory Theatre. Besoek op 5 Maart 2009. Geargiveer 26 Januarie 2007 op Wayback Machine
  6. Wolf, Matt. "Review: The Pillowman " Variety, 26 November 2003, besoek op 7 Mei 2016
  7. 7,0 7,1 " A Behanding in Spokane Broadway" Playbill (vault), besoek 7 Mei 2016.
  8. Finkle, David. "Review" theatermania.com, 2 Maart 2010
  9. "2006 Oscars" (in Engels). Geargiveer vanaf die oorspronklike op 16 Mei 2020. Besoek op 6 April 2016.
  10. Tim Robey (18 April 2008). "Film reviews: In Bruges, Fool's Gold, Street Kings and more". The Telegraph (in Engels). Geargiveer vanaf die oorspronklike op 29 Junie 2018. Besoek op 14 April 2013.
  11. Wally Hammond (15 April 2008). "In Bruges (18)". Time Out London (in Engels). Time Out. Geargiveer vanaf die oorspronklike op 26 Desember 2012. Besoek op 14 April 2013.
  12. "In Bruges (2008)". Rotten Tomatoes (in Engels). Flixster, Inc. 2008. Geargiveer vanaf die oorspronklike op 8 Augustus 2019. Besoek op 14 April 2013.
  13. "Q&A: Martin McDonagh, director of in Bruges". Stop Smiling (in Engels). Stop Smiling Media, LLC. 15 Februarie 2008. Geargiveer vanaf die oorspronklike op 5 September 2017. Besoek op 14 April 2013.
  14. "'Seven Psychopaths' Listing" tcm.com, besoek op 4 April 2016
  15. Tartaglione, Nancy (4 September 2017). "Frances McDormand On 'Three Billboards' Role: She's 'Fargo's Marge, "Grown Up" – Venice". Deadline (in Engels). Geargiveer vanaf die oorspronklike op 17 Desember 2019. Besoek op 4 September 2017.

Eksterne skakels[wysig | wysig bron]